काभ्रे (हाम्रो खेलकुद) – नमुना प्रगती युवा क्लब दोस्रो बेथानचोक कप जिल्ला स्तरिय आमन्त्रण पुरुष भलिबल प्रतियोगिताको फाइनलमा प्रवेश गरेका छन् ।

काभ्रे बेथानचोकमा शनिबार भएको सेमिफाइनलमा नमुनाले महांकाल गाउपालिकालाई ३–२ को प्रतिस्पर्धात्मक सेटमा पराजित गर्दै प्रतियोगिताको उपाधिनजिक पुगेको हो ।

निकै नै रोमाञ्चक र प्रतिस्पर्धात्मक बनेको खेलको पहिलो सेट २६–२४ ले जितेको थियो । दोस्रो सेट नमुनाले २३–२५ ले गुमाएको थियो । तेस्रो सेट पनि नमुनाले २६–२८ ले गुमाएको थियो । तर, त्यसपछिको दुवै सेट नमुनाले २५–२१ र १५–१२ ले आफ्नो पक्षमा पार्दै फाइनलमा पुग्न सफल भयो ।

यसअघि शनिबारै भएको क्वाटरफाइनलमा नमुनाले लड्केश्वर युवा क्लबलाई २–० को सेटमा तथा महांकालले मन्डन देउपुर नगरपालिकालाई २–१ को सेटमा पराजित गर्दै सेमिफाइनलमा पुग्न सफल भएको थियो ।

अर्काे क्वाटरफाइनलमा बनेपा नगरपालिकाले महाभारत गाउपालिकालाई २–१ को सेटमा पराजित गर्दै सेािमफाइनलमा पुग्न सफल भयो । खानी खोला ‘ए’ ले आयोजक बेथानचोक ‘ए’ लाई २–० को सेटमा पराजित गर्दै अन्तिम चारमा पुग्न सफल भयो ।

जेठ २६ गतेसम्म सञ्चालन हुने प्रतियोगिता ढुंखर्क बोर्डिङ स्कुलको मैदानमा हुनेछ ।