काठमाडौं (हाम्रो खेलकुद) – आदर्श विद्यामन्दिर (एभीएम) ले टिम इभेन्टसमा दोहोरो स्वर्ण हात पारेको छ । शनिबार भएको खेलमा एभीएम ब्वाइज र गल्र्स दुवैमा स्वर्ण जित्न सफल भएको हो ।

ब्वाइजमा एभीएमले युरो किड्स बिराटनगरलाई ३–१ को सेटमा हरायो । सुनाखरी धरान र पब्लिक एकेडेमी धरानले कास्य पाए । गल्र्समा एभीएमले प्रभातलाई ३–० को सेटमा हराउदै स्वर्ण जिते । ब्लु बर्ड र विडिएसले कास्य पाए ।

यु–१० ब्वाइजमा एसभीआइका उज्वल मानन्धरले एभीएमका कृष्ण महरालाई ३–२ को सेटमा हराउदै स्वर्ण जिते । सिजिएका आशिष भट्टराई र तोरणका प्रभात सेढाईले कास्य पाए । गल्र्समा उलनेसका शुभश्री श्रेष्ठले क्यारिना सुवाललाई ३–२ को सेटमा हराउदै स्वर्ण जिते । प्रोक्सिमाकी नर्मदा खाइतु र एभीएमकी आश्मा पहरीले कास्य जिते ।

यु–१२ ब्वाइजमा एभीएमका एलेन महर्जनले एभीएमकै आयुष भारतीलाई ३–१ को सेटमा पराजित गर्दै स्वर्ण जिते । एभीएमका प्रानिशेख भारती र एभीएमकै आयुष ताम्रकारले कास्य पाए । गल्र्समा एभीएमकी वियान्का राईले प्रभातकी प्रदीपा सुवाललाई ३–० ले पराजित गर्दै स्पर्ण जितिन् । महालक्ष्मीकी विनिता डंगोल र प्रोक्सिमाकी सृष्टिका लिवीले कास्य पाइन् ।

यु–१४ ब्वाइजमा पुष्पासदनका सिद्धार्थ तामाङले पब्लिक धरानका नवराज राईलाई ३–१ को सेटमा पराजित गर्दै स्वर्ण जिते । डिपिएसका रेहान्त बस्नेत र पब्लिकका सरुन श्रेष्ठले कास्य हात पारे । गल्र्समा एभीएमकी इभाना थापामगरले प्रोक्सिमाकी दिया देउलाबीच आइतबार फाइनल हुनेछ । जनकनाथकी इना डंगोल र प्रभातकी आरती सुवालले कास्य पाइन् ।

यु–१६ ब्वाइजमा आइतबार एभीएमका विशाल गोले र युरोका विश्व बानिया तथा एभीएमका रुविन महर्जन र एभीएमकै सुजन गडालबीच खेल हुनेछ । फाइनल पनि आइतबार नै हुनेछ ।

गल्र्समा एभीएमकी समिरा श्रेष्ठ र ब्लुबर्डकी प्रानिका कुँवरबीच खेल हुनेछ । प्रभातकी कृतिका तामाङ र जुगलकी आशिका मगरले कास्य हात पारिन् ।

मिक्स डबल्र्समा एभीएमका रुविन र इभानाको जोडीले प्रोक्सिमाका रोमन र दिया तथा एभीएमका विशाल र वियान्का र एभीएमकै सुजन र समिराबीच खेल हुनेछ ।

गल्र्स डबल्स्मा एभीएमकी वियान्का राई र इभानाले प्रभातकी आरती र प्रदीपालाई हराइन् । ब्वाइज डबल्स्को फाइनलमा आइतबार बिशाल र रुविन तथा सुजन र समरबीच खेल हुनेछ ।