काठमाडौं (हाम्रो खेलकुद) – ‘ब्रम्हास्मी एसइइ कप क्रिकेट प्रतियोगिता’ यही आइतबारदेखि आयोजना हुने भएको छ । आयोजक नेक्सस क्रिकेट एकेडेमीले प्रतियोगिता मुलपानी क्रिकेट मैदानमा २६ जेठ आइतबारबाट हुने जानकारी गराएको छ ।

प्रतियोगितामा काठमाडौं रोयल्स, कैलाली डल्फिन, बिराटनगर लायन्स र दङ्गाली त्रिशुल गरी चार टोलीले चार दिनसम्म प्रतिस्पर्धा गर्नेछ । खेल ३०/३० ओभरको हुने छ । प्रतियोगिता ४ दिन संचालन हुनेछ ।

देशभरका १२ स्थानमा ट्यालेन्ट हन्ट गरि १२० खेलाडी प्रारम्भिक छनौट गरिएको थियो । छनोटमा परेका खेलाडीहरुको काठमाडौमा ७ दिने बन्द प्रशिक्षण पश्चात छनौट भएका ६० खेलाडी छनोट गरि शुक्रबारै खेलाडीको अक्सन गरिएको प्रतियोगिता निर्देशक प्रवल गौतमले जानकारी गराए ।
यस बर्ष एसइइ दिएका ५६ खेलाडी, यु–१६ का ४ जना उदयीमान खेलाडी र ८ जना यसै बर्ष एसइइ दिएका टिम मालिकले रोजेका खेलाडी गरि प्रतियोगितामा ६८ खेलाडीले सहभागिता जनाउने छन् ।

काठमाडौ रोयल्सका कप्तानी उत्तम थापा मगरले सम्हाल्नेछन् । कैलाली डल्फिनको प्रियान्सु श्रेष्ठ, बिराटनगर लायन्सको अमित कुमार महतो र दङगाली त्रिशुलको कप्तानी सहवाज खानले सम्हाल्नेछन् ।

प्रतियोगितामा उत्कृष्ट प्रदर्शन गर्ने १४ खेलाडी छनोट गरी श्रीलंकाको सिरिजमा सहभागिता गराईने र उक्त खेलाडीलाई कलेजले निशुल्क छात्रवृत्तिमा अध्यययन गर्ने व्यवस्था गराउनेछ ।

प्रतियोगिताको बेष्ट ब्याट्सम्यान, बेष्ट बलर र म्यान अफ दि सिरिज हुनेले नेक्सस क्रिकेट एकेडमीको दिल्ली सेन्टरमा १ वर्षसम्म निशुल्क प्रशिक्षणको ब्यबस्था गरिने आयोजकले जनाएको छ । अन्य १० उत्कृष्ट खेलाडीलाई नेक्सस क्रिकेट एकेडेमीमा ६ महिना निशुल्क प्रशिक्षणको व्यवस्था गरिने आयोजकले जनाएको छ ।

प्रतियोगिताको अनुमानित लाग २५ लाख रूपैया रहेको छ । प्रतियोगिता मुलपानी क्रिकेट मैदानमा आयोजना हुनेछ ।

खेल तालिका
जेठ २६ गते पहिलो खेल – काठमाडौं रोयल्स र बिराटनगर लायन्स
जेठ २६ गते दोस्रो खेल – कैलाली डल्फिन र दङ्गाली त्रिशुल
जेठ २७ गते पहिलो खेल – काठमाडौं रोयल्स र कैलाली डल्फिन
जेठ २७ गते दोस्रो खेल – बिराटनगर लायन्स र दङ्गाली त्रिशुल
जेठ २८ गते पहिलो खेल – बिराटनगर लायन्स र कैलाली डल्फिन
जेठ २८ गते दोस्रो खेल – काठमाडौं रोयल्स र दङ्गाली त्रिशुल
जेठ २९ फाईनल खेल – समुह बिजेता र समुह उपबिजेता