6 years ago
June 2, 2019
काठमाडौं (हाम्रो खेलकुद) – पोखराको स्पाइरल ग्यालेक्सी स्कुल र विद्यामन्दिर बाग्लुङ राजधानीमा जारी प्रथम एन्जल्र्स हर्ट अन्तर विद्यालय/कलेजस्तरीय राष्ट्रिय पुरुष भलिबल प्रतियोगिताको क्वाटरफाइनलमा प्रवेश गरेका छन् ।
नयाँ बसपार्कस्थित ढोरपाटन क्लबको कोर्टमा आइतबार भएको खेलमा स्पाइरलले गीतान्जली कलेजलाई ३–० को सोझो सेटमा पराजित गर्दै अन्तिम आठमा पुग्न सफल भएको हो । स्पाइरलले पहिलो सेट २५–२१ ले जितेको थियो । प्रतिस्पर्धात्मक दोस्रो सेटमा २६–२४ को जित निकालेको स्पाइरलले तेस्रो सेट २५–२१ ले जित्न सफल भएको थियो ।
आइतबारको अर्काे खेलमा विद्यामन्दिर बाग्लुङले स्प्रिङडेल भक्तपुरलाई ३–१ को सेटमा पराजित गर्दै क्वाटरफाइनलमा पुग्न सफल भयो । पहिलो सेट २२–२५ ले गुमाएको विद्यामन्दिरले त्यसपछिको तीनै सेट २५–२१, २५–२१ र २५–१७ ले आफ्नो पक्षमा पार्न सफल भयो ।
लिटिल बुद्ध मावि महेन्द्रनगरले जनप्रभात मावि कालिकोटमाथि ३–२ को प्रतिस्पर्धात्मक सेटमा पराजित गर्दै क्वाटरफाइनलमा पुग्न सफल भयो । निकै प्रतिस्पर्धात्मक बनेको खेलमा लिटिलबुद्ध मावि १७–२५, २५–७, २५–२२, २१–२५ र १७–१५ ले विजयी भयो ।
पिताम्वर मावि स्याङ्जाले एन्जल्र्स हर्ट स्कुललाई ३–२ को सेटमा पराजित गर्दै अन्तिम आठको यात्रा तय गर्न सफल भयो । पिताम्वरले २५–२०, २५–२०, १५–२५, २१–२५ र १५–११ को जित निकाल्यो । सामाखुशी इंग्लिस बोर्डिङ स्कुलले सिद्धार्थ बहुमुखी क्याम्पसमाथि २२–२५, २५–२२, २५–२२ र २५–२० को जित निकाल्दै अन्तिम अन्तिम आठमा पुग्न सफल भयो ।
२१ जेठसम्म सञ्चालन हुने प्रतियोगितामा देशैभरबाट ५३ विद्यालयहरुको सहभागिता रहेको छ । सहभागी टोलीलाई १६ समूहमा विभाजन गरिएको छ । प्रतियोगिताको विजेताले १ लाख रुपैया हात पार्नेछन् । दोस्रो हुनेले ५० हजार, तेस्रोले २५ हजार तथा सान्त्वनाले १५ हजार रुपैया हात पार्नेछन् ।
यस्तै प्रतियोगिताको सर्वाेत्कृष्ट खेलाडीले एक थान मोटरसाइकल पाउने आयोजकले जनाएको छ । व्यक्तिगत विधातर्फ बेस्ट स्पाइकर, लिफ्टर, सर्भर, ब्लकर, डिफेन्स र प्रशिक्षकले समान ५–५ हजार पाउनेछ ।
March 4, 2025
काठमाडौं (हाम्रो खेलकुद)- सल्यान खड्गी राष्ट्रिय पुरुष फुटबल टोलीको सहायक प्रशिक्षक नियुक्त भएका छन्। ए डिभिजन टोली संकटा क्लबका पूर्व प्रशिक्षक रहेका खड्गीलाई अखिल नेपाल फुटबल संघ (एन्फा) का महासचिव किरण राईले मंगलवार नियुक्ती पत्र हस्तान्तरण गरेको एन्फाले सामजिक सन्जाल मार्फत जानकारी दिएको छ। एन्फाले चैत ८ गते सिंगापुरसँग हुने मैत्रीपूर्ण खेल र चैत १२ […]
March 1, 2025
काठमाडौं (हाम्रो खेलकुद)- नेपाल पुलिस क्लबले तेस्रो राष्ट्रिय डोरी तान प्रतियोगिताको पुरुष र महिला दुवै समूहको उपाधि जितेको छ । पुरुष ६४० केजी र महिला ५८० केजी तौल समूहमा गराइएको प्रतियोगिताको दुवै समूहको शनिवार भएको फाइनलमा पुलिसले त्रिभुवन आर्मी क्लबलसई पराजित गर्यो । फाइनलमा पुलिसले आर्मीलाई २-१ को सेटमा हराउँदै पुरुषतर्फको उपाधि जितेको हो । […]
February 28, 2025
काठमाडौं (हाम्रो खेलकुद)- प्रमुख दाबेदार निरज तामाङलाई एक स्ट्रोकले हराउँदै अनुभवी तोरण विक्रम शाही सूर्य नेपाल एनपिजिए टुर च्याम्पियनसिपको उपाधि जित्न सफल भएका छन्। घरेलु टुरमा तोरणले १२ वर्षपछि उपाधि जितेका हुन्। ५-अन्डर ६७ को स्कोरमा समग्रमा १८-अन्डर २७० सहित उनले निरजलाई रोमाञ्चक शैलीमा माथ दिए। यसअघि उनले सन् २०१३ मा यही च्याम्पियनसिप जितेका थिए। […]