6 years ago
May 29, 2019
काठमाडौं (हाम्रो खेलकुद) – राष्ट्रिय वाणिज्य बैंकले नेपाल भलिबल संघलाई निरन्तर प्रायोजन गरेको छ । यसअघि दुई वर्ष प्रायोजन गरेको राष्ट्रिय वाणिज्य बैंकले संघलाई थप दुईवर्षको नयाँ सम्झौता गरेको हो ।
काठमाडौंमा आयोजित एक कार्यक्रममा नेपाल भलिबल संघका अध्यक्ष मनोरञ्जन रमण शर्मा र राष्ट्रिय वाणिज्य बैंकका कार्यकारी प्रमुख किरण कुमार श्रेष्ठले सम्झौता पत्रमा हस्ताक्षर गर्दै आदान प्रदान गरे ।
सम्झौताअनुसार बैंकले २०७६ र ७७ मा संघलाई कुल २४ लाख रुपैया प्रदान गर्नेछ । यो रकम नेपाल भलिबल संघले एनभिए क्लब लिग च्याम्पियनसिपमा खर्च गर्नेछ । सम्झौतापछि पाँचौ र छैटौं लिग च्याम्पियनसिप आरबीबी–एनभिए क्लब लिग च्याम्पियनसिपको नामबाट सञ्चालन हुनेछ ।
सम्झौतापछि बैंकका कार्यकारी प्रमुख किरण कुमार श्रेष्ठले अघिल्लो दुईवर्ष नेपालको राष्ट्रिय खेल भलिबललाई प्रायोजन गर्दा बैंकको शिर उचो भएको बताउदै थप दुई वर्षको लाग सम्झौता नवीकरण गरिएको बताए । उनले संघले आयोजना गर्ने भलिबल च्याम्पियनसिप आफैले आयोजना गरेको कुनै प्रतियोगिता भएको जस्तो महसुस गरिएको समेत बताए ।
संघका अध्यक्ष मनोरन्जन रमण शर्माले सम्झौता पुन नवीकरण गरेको भन्दै बैंक र कार्यकारी प्रमुखलाई धन्यवाद ज्ञापन गर्दै आगमी वर्षमा पनि सहकार्य हुन सक्नेमा विश्वस्त रहेको बताए ।
January 17, 2025
काठमाडौं(हाम्रो खेलकुद) – एन्फा यु १६ लिगमा आज भएको खेलमा चर्च ब्वाइज युनाइटेड र एपिएफ क्लब विजयी भएका छन् । सातदोबाटोस्थित एन्फा कम्प्लेक्समा शुक्रवार भएको पहिलो खेलमा चर्च ब्वाइजले हिमालयन शेर्पा क्लबलाई ४-१ ले हराएको हो। दोस्रो खेलमा एपिएफले एफसी खुमलटारलाई ३-० ले पराजित गरेको हो ।
January 16, 2025
काठमाडौं (हाम्रो खेलकुद)- कर्णालीमा चैतमा हुने भनिएको दसौं राष्ट्रिय खेलकुदको लोगो र मस्कट पारित भएको छ। राष्ट्रिय खेलकुद परिषद् (राखेप) का अध्यक्ष युवा तथा खेलकुद मन्त्री तेजुलाल चौधरीको अध्यक्षतामा बिहीवार बसेको १ सय १९ औं बोर्डले दसौं राष्ट्रिय खेलकुदको लोगो र मस्कट पारित गरेको राखेपले जनाएको छ। सिहंदरबारस्थित खेलकुद मन्त्रालयमा बसेको बैठकले लोगो र मस्कट […]
January 14, 2025
काठमाडौं (हाम्रो खेलकुद)- बिबिसी भेट्रानले दोश्रो ललितपुर मेयर कप भेट्रान फुटबल प्रतियोगिताको उपाधि जितेको छ । जावलाखेल मैदानमा मंगलवार भएको फाइनलमा आयोजक कुसुन्ती ‘बी’ लाई २-० ले हराउँदै बिबिसीले उपाधि जितेको हो। दुवै गोल पहिलो हाफको सुरुआती समयमा भएको थियो । बिबिसीका लागि दीपक लामाले पहिलो तथा आकाश छन्त्यालले दोश्रो गोल गरे । उपाधिसंगै बिबिसीले […]
