धनगढी (हाम्रो खेलकुद) – नेपाल आईस मिडिया कप फुटसल प्रतियोगिताको तयारी पुरा भएको छ ।

आयोजक नेपाल खेलकुद पत्रकार मञ्च जिल्ला समन्वय शाखा कैलालीले आज पत्रकार सम्मेलनको आयोजना गर्दै भोलीदेखि हुने प्रतियोगिताको तयारी पुरा भएको जनाएको हो। प्रतियोगितामा ९ टिमको सहभागिता रहने र २ समुहमा विभाजन गरि लिग चरणका आधारमा खेल खेलाईने जिल्ला समन्वय शाखा कैलालीका अध्यक्ष सीताराम ओझाले जानकारी दिए ।

प्रतियोगिताको उद्घाटन खेल पश्चिम टुडे र एसटीएस टेलिभिजनविच हुनेछ । दोश्रो खेल दिनेश एफएम र धनगढी एफएम, तेश्रो खेल डेलीपाटी अनलाईन र डेलीमेल एफएम तथा चौथो खेल बाबा टिभी र सुदूर सन्देशविच हुने प्रतियोगिताको प्राविधिक पक्ष हेर्दै आएको फ्ल्याटल्याण्ड फुटसलले जनाएको छ ।

प्रतियोगिताको विजेताले नगद १५ हजारसहित ट्रफी र प्रमाणपत्र तथा उपविजेताले नगद ७ हजार सहित नगद ट्रफी र प्रमाण पत्र पाउनेछन् । त्यसैगरी उत्कृष्ट गोलरक्षक र सर्वाधिक गोलकर्ताले पनि नगद पुरस्कार पाउने आयोजक नेपाल खेलकुद पत्रकार मञ्च जिल्ला समन्वय शाखा कैलालीले जनाएको छ ।

प्रतियोगितालाई चौधरी गुप्रको सिजी ब्रुअरीको उत्पादन नेपाल आईसनले मुख्य प्रायोजन गरेको छ । प्रतियोगिताको प्रवद्र्धकमा धनगढी उपमहानगरपालिका र कैलाली जिल्ला खेलकुद विकास समिती रहेको छ ।