मुस्ताङ –हाम्रो खेलकुद) – दोस्रो प्रधान सेनापति हाईअल्टिच्युड ट्राई एडभेन्चर राष्ट्रिय प्रतियोगितामा आयोजक आर्मी र नेपाल एपीएफ क्लब च्याम्पियन बनेको छ । मुस्ताङको जोमसोममा भएको प्रतियोगितामा आर्मी ‘ए’ पुरुषतर्फ र एपीएफ महिलामा च्याम्पियन बनेको हो ।

आर्मीका हिमाल टमाटा र बशन्त थारुले निर्धारित १५.३५ किमी दुरी १ घण्टा १९ मिनेट ४२ सेकेन्डमा पूरा गरे एपिएफका लक्ष्मण मल्ल र किरण मल्लले निर्धारित दुरी १ घण्टा १९ मिनेट ५२ सेकेन्डमा पुरा गरी दोश्रो भए । पुरुषतर्फकै एडभेन्चरमा नेपाली सेनाको आर्मी ‘बी’ तेश्रो भयो । आर्मी ‘बी’ का प्रताप थापा र दिपकसिह चौधरीले १ घण्टा २४ मिनेट १९ सेकेन्डमा निर्धारित दुरी पार गरेका थिए ।

महिला एडभेन्चर तर्फ शसस्त्र प्रहरीको एपिएफ क्लवकी सोनी गुरुङ र निर्जला भण्डारी पहिलो स्थान हासिल गर्दै च्याम्पियन भए । गुरुङ र भण्डारीले १ घण्टा ४५ मिनेट ५४ सेकेन्डमा निधारित दुरी पार गर्दै च्याम्पियन बनेका हुन् ।

प्रतियोगितामा गैरबिभागिय ग्रल्स टिमकी होमी बुढामगर र उषा खनालले १ घण्टा ५२ मिनेट ३० सेकेन्डमा दुरी पार गर्दै दोश्रो भए ।यस्तै त्रिभुवन आर्मीकी लक्ष्मी मगर र केशरी थापा मगरले १ घण्टा ५३ मिनेट १६ सेकेन्ड समय खर्चदै तेश्रो भए ।

एडभेन्चर प्रतियोगिता सैनिक उच्चशिखर शिक्षालय जोमसोमको पश्चिमतर्फ धाकार्जुङ डाडाँ उक्लने एक सय मिटर रक क्लाइम्बिङ, धाकार्जुङ डाडो देखि सशस्त्र प्रहरी क्याम्प, कालिगण्डकी नदी तर्दै पान्डाखोला सम्म दौडिने ४.७५ किमी रनिङ र पान्डाखोला देखि जोमसोम, ठिनी, सम्ले, स्याङ हुँदै जोमसोम सम्म १५.३५ किमी साईकलिङ ३ बिधामा एकैसाथ प्रतियोगिता भएको हो ।

प्रतियोेगिताका लागि कुल २१ टिम मुस्ताङ आएपनि २ टिम मेडिकल परिक्षणपछि प्रतियोगिताबाट बाहिरिएका थिए । पुरुषतर्फ एडभेन्चरतर्फ ११ टिम र महिला एडभेन्चर तर्फ ५ टिम सहभागी भएको प्रतियोगिता संयोजक राजिव चन्दले जानकारी दिए ।

प्रतियोगिताको पुरुष एडभेन्चर च्याम्पियन टोलीले नगद ५० हजार रुपैया प्राप्त गरे । दोश्रो हुनेले नगद ३० हजार तथा तेस्रो भएकाले २० हजार रुपैया पाए । महिला एडभेन्चरतर्फ पहिलो, दोश्रो र तेश्रो हुँने टिमले क्रमशः १५ हजार, १० हजार र ५ हजार रुपैया पाए।

विजेता पुरुष, महिला एडभेन्चर दुबै टोलीलाई नेपाली सेनाका बलाधिकृत रथि सरद गिरी, गण्डकी प्रदेशका माननीय सांसद महेन्द्रबहादुर थकाली र जिसस प्रमुख छिरिङ ल्हामो गुरुङ लगायतले पुरस्कृत गरे ।