काठमाडौं (हाम्रो खेलकुद ) – प्रदेश नम्वर ३ को महिला फुटबल टोली मैत्रीपुर्ण खेलमा विजयी भएको छ ।

दीपशिखा युवा समुह नैकापको आयोजनामा चन्द्रागिरी नगरपालिकास्थित नैकाप फुटबल मैदानमा जारी दोस्रो रोजबहिनी चन्द्रागिरी गोल्डकप दौरान भएको मैत्रीपुर्ण खेलमा प्रदेश ३ ले आयोजक दीपशिखाको महिला फुटबल टोलीलाई २–१ ले पराजित गरेको हो । प्र

देश ३ की मनिषा थापामगरले एक गोल गर्दा एक गोल उपहार पाएको थियो । आयोजकका दीपशिखाकी कुमारी तामाङले गोल गरिन् । निकै नै प्रतिस्पर्धात्मक बनेको खेलको तेस्रो मिनेटमा नै गोलबाट अग्रता बनाएको थियो । आयोजकका कुमारी तामाङले २४औं मिनेटमा बराबरी गोल फर्काइन् ।

प्रतिस्पर्धात्मक बनेको खेलको ७०औं मिनेटमा प्रदेश ३ ले आतम्घाती गोलबाट खेलमा २–१ को अग्रता बनायो । प्रदेश ३ को खेलाडीको प्रहार बचाउने क्रममा कुमारी तामाङले आफ्नै पोस्टमा गोल गरिन् । त्यसपछि थप गोल निस्कन नसक्दा प्रदेश ३ विजयी हुन सफल भयो ।

मैत्रीपुर्ण खेलमा विजयी भएको प्रदेश ३ ले १० हजार रुपैया प्राप्त ग¥यो । मैत्रीपुर्ण खेलको विजेतालाई पनि प्रतियोगिताको मुख्य प्रायोजक रोज बहिनी सिर्जनशील समाजले १० हजार रुपैया प्रायोजन गरेको थियो । खेलको वुमन अफ दि म्याच दीपशिखाकाी कुमारी तामाङ घोषित भइन् । उनलाई अशोक बुढाथोकीले २ हजार रुपैया प्रदान गरे ।

दोस्रो चन्द्रागिरी गोल्डकपको फाइनल शनिबार हुदैछ । फाइनलमा सरस्वती युवा क्लब र भ्याली च्यासल युवा क्लबबीच प्रतिस्पर्धा हुदैछ । खेल दिउसो ३ बजेपछि हुने आयोजकले जनाएको छ ।

फाइनल अघिको एक दिन विश्राममा आयोजकले महिलाको मैत्रीपुर्ण खेल आयोजना गरेको हो ।