काठमाडौं (हाम्रो खेलकुद) – कीर्तिमानी धावक हरि बहादुर रोकायाका द्धारा सञ्चालित कर्णाली स्पोर्टस क्लबलाई रुट्स फेशन प्रालिले आर्थिक सहयोग गरेको छ ।

आज काठमाडौंमा एक कार्यक्रम गर्दै रोकया नेतृत्वको कर्णाली स्पोर्टसलाई रु १ लाख रुपैया नगद सहयोग गरेको छ । त्यसैगरि रुट्सले कर्णाली स्पोर्टस क्लबले गर्न लागेको एथलेटिक्स प्रतियोगितालाई १ लाख ५० हजार रुपैया नगद रुपैया प्रदान गरेको छ । एथलेटिक्स असार २७ गते हुनेछ ।

रोकायालाई रुट्स फेसनका निर्देशक राजिव श्रेष्ठले चेक हस्तान्तरण गरे । त्यस्तै रुट्सले यसपाली शु एक्सचेन्जमा बाट प्राप्त जुत्ताहरु कर्णाली स्पोर्टसलाई क्लबलाईनै प्रदान गरिने बताएको छ ।

रुट्सको सहयोग पनि रोकायाले रुट्स प्रा.लीलाई धन्यावद दिए । यस सहयोगले आफुलाई खुसि लागेको उनले बताए ।

रुट्स फेसन प्रा.लीले लामो समय देखी नेपालमा अन्तर्राष्टिय स्तरका विभिन्न चर्चित ब्राण्डका खेलकुद पोसाक तथा खेल सामाग्री प्रदान गर्दै आएको छ । यस पटक १ मे देखी ३१ मे सम्म शु एक्सचेन्ज कार्यक्रम चल्ने भएको छ ।

उक्त कार्यक्रममा सहभागी उपभोक्ताले पुरानो जुत्ता ल्याएर छोडे वापत नयाँ जुत्ताको खरिदमा आकर्षक छुट पाउने छन् । ७ हजार ९ सय ९९ रुपैंया सम्म मुल्य पर्ने जुत्ता खरिदमा गर्न चाहे पुरानो जुत्ता ल्याउनेले २ हजार रुपैयाँ छुट पाउने छन् ।

यसैगरि त्यो भन्दा माथि मुल्यको जुत्ता भने ३ हजार रुपैयाँ छुटको ब्यबस्था रहेको छ । पुरानो जुनसुकै ब्राण्डका लगाउन मिल्ने स्पोर्टस सुज ल्याउन सकिने बताईएको छ ।