काठमाडौं (हाम्रो खेलकुद) – प्ले फर डिप्राइभ्ड चिल्ड्रेन (पिडिसिएन) ले पुरुष नेपाल बास्केटबल लिगसँगै महिला नेपाल बास्केट लिग आयोजना गर्ने घोषणा गरेको छ ।

काठमाडौंमा आज एक पत्रकार सम्मेलन गर्दै आयोजक पिडिसिएन (प्ले फर डिप्राइभ्ड चिल्ड्रेन) ले प्रतियोगिता बारे जानकारी दिएको छ । वुमन्स नेपाल बास्केटबल लिग जेठ १५ देखी असार ७ गते सम्म हुने भएको छ ।

प्रतियोगितामा त्रिभुवन आर्मी क्लव,नेपाल पुलिस क्लव,नेपाल एपीएफ क्लव,समृद्धी गोरिल्लाज र आईएसओ गरि ५ टोलीको सहभागिता रहने छ । लिगमा कुल २४ खेल हुने छन् ।

नेपाल बास्केटबल लिग (एनविएल) र वुमेन्स नेपाल बास्केटबल लिग विभिन्न पाँच चरणमा हुनेछ ।
पहिलो चरण (२७ अप्रिल–२८ मे) मा पुरुषको लिग चरणका खेलहरु हुनेछ । दोस्रो (चरण २९ मे–७ जुन) मा महिलाका लिगका खेलहरु हुनेछ । तेस्रो चरण ८ जुनमा अल स्टार र सेलिब्रेटीबीचको खेल हुनेछ । चौथो चरण (१२ जुन–१७ जुन) मा महिला र पुरुषका प्ले अफका खेलहरु हुनेछ । पाचौ चरण २२ जुनमा महिला र पुरुषका फाइनल खेल सञ्चालन हुने आयोजकले जनाएको छ ।

त्यस्तै नेपाल बास्केटबल लिग पुरुष आठौं राष्ट्रिय खेलकुदका कारण एक हप्तापछि सरेको छ । नयाँ तालिका अनुसार वैशाख १४ देखी असार ७ गते सम्म हुने छ ।

नेपालकै सर्वाधिक ठूला र सबैभन्दा लामो नेपाल बास्केटबल लिग पुरुष ५५ दिन सम्म चल्ने छ । पुरुष बास्केटबलमा ८ टोलीको सहभागिता रहने छ ।

सहभागि टोलीले ले डबल राउण्ड रोविन होम अवे मैदानमा प्रतिस्पर्धा गर्ने छन् । डबल राउण्ड रोविनपछि लिगका शीर्ष चार टोली प्ले अफमा पुग्ने छन् ।

प्रतियोगिताको महिला र पुरुष दुबै टोलीको विजेताले रु २ लाख र उप विजेताले १ लाख प्राप्त गर्ने छन् । प्रतियोगितामा मुख्य प्रायोजकमा चौधरी ग्रुपको क्विन्स रहेको छ ।