दाङ (हाम्रो खेलकुद) – आठौं अन्र्तगत ४०औं राष्ट्रिय ब्याडमिन्टन प्रतियोगिताको पुरुष एकलको फाइनलमा परम्परागत प्रतिद्धन्द्धी विभागीय त्रिभुवन आर्मी क्लबका रत्नजित तामाङ र अर्काे विभागीय टोली एपीएफका दिपेश धामीबीच प्रतिस्पर्धा हुने भएको छ ।

घोराही कभर्डहलमा शुक्रबार भएको पुरुष एकलमा आर्मीका रत्नले प्रदेश ७ का युवा स्टार प्रिन्स दाहाललाई तथा एपीएफका दिपेश धामीले प्रदेश १ का विकास श्रेष्ठलाई पराजित गर्दै फाइनलमा स्थान पक्का गरे ।

नेपाल नम्वर एक समेत रहेका रत्नजितले प्रिन्समाथि २१–११ र २१–९ को सोझो सेटमा पराजित गर्दै फाइनलमा प्रवेश गरे । पुरुष टिम इभेन्टस्मा प्रिन्ससँग पराजित सातौको च्याम्पियनसमेत रहेका रत्नले उक्त गल्तीलाई पुरुष एकलको फाइनलमा दोहो¥याएनन् ।

पुरुष एकलको अर्काे खेलमा नेपाल नम्वर २ दिपेशले प्रदेश १ का बिकास श्रेष्ठलाई २१–११ र २१–१५ को सोझो सेटमा पराजित गर्दै फाइनलमा रत्नजितसँग भेट पक्का गरे । फाइनल शनिबार हुनेछ ।
यस्तै महिला एकलको फाइनलमा आर्मीका दुई खेलाडीले प्रतिस्पर्धा गर्ने भएका छन् ।

शीर्ष वरीयताका आर्मीकी नङ्सलदेवी तामाङले प्रदेश १ की सीता राईलाई २१–१७ र २१–९ ले तथा आर्मीकी रसिला महर्जनले आफ्नै क्लबकी अनुमाया राईलाई २१–१७ र २१–१८ ले पराजित गर्दै फाइनलमा स्थान बनाइन् ।

आठौंको पुरुष डबल्समा आर्मीका रत्नजित तामाङ र नवीन श्रेष्ठको सजोडीले आर्मीकै पविन लिङथेप र रुकेश महर्जनको जोडीलाई २१–११ र २१–१९ ले पराजित गर्दै फाइनल प्रवेश गरे । एपीएफका दिपेश धामी र विजित थापामगरको जोडीले आर्मीका सुरज महर्जन र प्रफुल महर्जनको जोडीलाई २१–१३ र २१–१२ ले पराजित गर्दै फाइनलमा प्रवेश गरे ।

महिला डबल्स्मा एपीएफकी पुजा श्रेष्ठ र जेसिका गुरुङको जोडी तथा आर्मीकी नङ्सलदेवी तामाङ र अनुमाया राईको जोडी फाइनलमा प्रवेश गरे । एपीएफकी पुजा र जेसिकाको जोडीले आर्मीकी अमिता गिरी र रसिला महर्जनको जोडीलाई २१–१६ र २१–१८ ले पराजित गर्दै फाइनलमा प्रवेश गरे ।

अर्काे सेमिफाइनलमा नङ्सल र अनुको जोडीले प्रदेश १ की सीमा राजवंशी र सीता राईको जोडीलाई २१–१२ र २१–८ ले पराजित गर्दै फाइनलमा प्रवेश गरेका छन् ।

मिक्स डबल्स्मा एपीएफका दिपेश धामी र पुजा श्रेष्ठको जोडी तथा जेसिका गुरुङ र गौतम कठायतको जोडी फाइनलमा प्रवेश गरे ।

पुजा र दिपेशको जोडीले आर्मीका अमिता गिरी र नवीन श्रेष्ठको जोडीलाई १६–२१, २१–९ र २१–११ ले पराजित गरे ।

अर्काे खेलमा जेसिका र गौतमको जोडीले आर्मीका रत्नजित तामाङ र अनुमाया राईको जोडीलाई १०–२२, २१–१९ र २१–११ ले पराजित गर्दै फाइनलमा स्थान बनाए ।