6 years ago
April 17, 2019
दाङ (हाम्रो खेलकुद) – ब्याडमिन्टन खेलाडी ईरफान अन्सारीलाई पितृशोक परेको छ । अन्सारीका पिता नेपालगंज रामबाग निवासी मोहम्मद अहमद अन्सारीको गए राती निधन भएको हो ।
प्रदेश ५ मा आयोजित आठौं राष्ट्रिय खेलकुद अन्तरगत दाङ घोराहीमा भईरहेको ४०औं राष्ट्रिय ब्याडमिन्टन प्रतियोगितामा पाँच नम्बर प्रदेशबाट सहभागिता जनाईरहेका थिए ।
पिताको निधनको खवरले दुखित खेलाडी ईरफान आफ्नो खेल स्थगित गर्दै नेपालगंज फर्केका छन् । ७० बर्षका स्व. अन्सारी लामो समय देखि दम रोगले ग्रस्त रहेको पाँच नम्बर प्रदेशका प्रशिक्षक एवं अन्सारीका बारेमा जानकार जयन्त श्रेष्ठले बताए ।
पूर्व ब्याडमिन्टन खेलाडी समेत रहेका स्व. अन्सारीको निधनमा नेपाल ब्याडमिन्टन संघले शोक ब्यक्त गर्दै मृत आत्माको चिर शान्तिका साथै शोक सन्तप्त खेलाडी तथा परिवारमा धैर्य धारण गर्ने क्षमता प्राप्त होस् भन्ने कामना गरेको छ ।
खेलाडी तथा अफिसियलहरुले आजको खेल सुरु हुनु पूर्व १ मिनट मौन धारणका साथ ब्याडमिन्टन क्षेत्रमा डाक्टरको उपनामले परिचित स्व. अन्सारीको आत्माको चिर शान्तिको कामना गर्दै शोक ब्यक्त गरेका थिए ।
पूर्व हेल्थ असिष्टेण्ट स्व. अन्सारीका ३ छोरा र २ छोरी रहेको प्रशिक्षक जयन्त श्रेष्ठले जानकारी गराए ।
November 23, 2024
एजेन्सी – इङ्लिस प्रिमियर लिगमा शनिवार चेल्सीले लेस्टर सिटीलाई २-१ ले पराजित गरेको छ। निकोलस ज्याक्सन र एन्जो फर्नान्डेजको गोल चेल्सी विजयी भएको हो। प्रिमियर लिगमा चेल्सीको यो सिजनमा यो छैटौं जित हो। किङ्स पावर स्टेडियममा चेल्सीले सुरुआतदेखि नै घरेलु टाेली लेस्टरमाथि दबदबा कायम राखेको थियो। १५औं मिनेटमै फर्नान्डेजकै क्रसमा ज्याक्सनको गोलमा चेल्सी अग्रता लियो । ७५औं मिनेटमा […]
November 22, 2024
काठमाडौं (हाम्रो खेलकुद)- फाल्डो जुनियर टुर युरोप ग्रान्ड फाइनल २८औं संस्करणको यु-२१ तर्फको उपाधि विजेता नेपालका नम्बर एक एमेच्योर गल्फर सदभाव आचार्य स्वदेश फर्किएका छन्। सदभावलाई त्रिभुवन अन्तर्राष्टिय विमानस्थलमा आज राष्ट्रिय खेलकुद परिषदका सदस्य सचिव टंकलाल घिसिङ, नेपाल गल्फ संघका अध्यक्ष टासी घले तथा संघका पदाधिकारीहरुले स्वागत गरे। नेपाली खेलाडीले फाल्डो सिरिज अन्तर्गत ग्रान्ड फाइनलमा […]
November 21, 2024
काठमाडौं (हाम्रो खेलकुद)- नेपालका नम्बर एक एमेच्योर गल्फर सदभाव आचार्यले २८औं संस्करणको फाल्डो जुनियर टुर युरोप ग्रान्ड फाइनल अन्तर्गत यु-२१ तर्फको उपाधि जितेका छन्। नेपालले फाल्डो सिरिज ग्रान्ड फाइनलमा उपाधि जितेको यो पहिलो पटक हो। सदभाव ओभरअलतर्फ दोस्रो भए।युएईको आबुधाबीस्थित अल आइन इक्वेसटेरियन सुटिङ एण्ड गल्फ क्लबमा भएको प्रतियोगिताको अन्तिम दिन बिहीवार १-अन्डर ६९ स्कोर […]
