काठमाडौं (हाम्रो खेलकुद) – आठौ राष्ट्रिय खेलकुद अन्तरगत बाँकेको ज्ञानोदय मावि खजुरामा महिला र पुरुष बक्सिङ प्रतियोगिता शुरु भएको छ । शनिबार सम्म महिलाको १ र पुरुषको ८ वटा गरी ९ खेल सम्पन्न भएका छन् ।

लाईट फ्लाई ४९ तौल समुहमा कर्णाली प्रदेशकी अनु नेपालीले प्रदेश ५ की रीता धरालालाई ५–० ले पराजित गर्दै क्वाटरफाईनलमा प्रवेश गरिन् ।

यसैगरी पुरुषतर्फ लाईट फ्लाई ४९ तौल समुहमा प्रदेश ३ का मदनकृष्ण डंगोलले वाकओभर पाए । लाईट फ्लाई ४९ तौल समुहमै प्रदेश ७ का भानु विष्टले ४–१ को अन्तरले प्रदेश १ का विशाल राईलाइ पराजित गरे ।

फ्लाई ५२ केजि समुहमा गण्डकी प्रदेशका अमिर गुरुङले कर्णाली प्रदेशका जीवनकुमार पुनलाई नकआउट गरे । सोही तौल समुहका प्रदेश ३ का बुद्ध ग्याल्मो लामाले सुदुरपश्चिम प्रदेशका उत्तम चन्दलाई ५–० ले पराजित गर्दै क्वाटरफाईनलमा प्रवेश गरे ।

५६ केजी तौलसमुहमा प्रदेश ५ का नविन घर्तिले प्रदेश ५ का सुजन पौडेललाई ५–० ले र नेपाल आर्मीका पुरन सुनुवारले गण्डकी प्रदेशका जिनेश गुरुङलाई ५–० ले पाखा लगाउदै गर्दै क्वाटरफाईनलमा प्रवेश गरे ।

६० केजी लाईटमा एपिएफका प्रकाश लिम्बु इजमले कर्णाली प्रदेशका सागर श्रेष्ठलाई नकआउट गरे । ६४ केजी लाईटमा गण्डकी प्रदेशका सुजन चोचाङ मगरले वाकओभर पाए ।