धनगढी (हाम्रो खेलकुद) – नयाँ वर्षको पुर्व सन्ध्यामा रात्रिकालिन पेनाल्टी सुटआउट प्रतियोगिता हुने भएको छ ।

स्थानीय एसटीएस टेलिभिजनको आयोजनामा नयाँ वर्षको अवसर पारेर २०६९ सालबाट धनगढीमा रात्रिकालिन पेनाल्टी सुटआउट प्रतियोगिता आयोजना हुँदै आएको हो ।

प्रतियोगिताको यो सातौँ संस्करण हो । बुधबार धनगढीमा आयोजित पत्रकार सम्मेलनमा प्रतियोगिताका संयोजक दिनेश श्रेष्ठले अघिल्ला वर्षहरुमा जस्तै यस वर्षपनि चैत्र ३० गते रात्रिकालिन पेनाल्टी शूटआउट प्रतियोगिता हुने जानकारी दिए । प्रतियोगितामा ३२ वर्षभन्दा माथिका उमेर समुहले मात्रै सहभागिता जनाउन छन् ।

प्रतियोगितामा प्रथम हुने टिमले नगद १ लाख ५० हजारका साथै ट्रफी, द्वितीय हुने टिमले नगद ७५ हजार र ट्रफी पुरस्कार पाउने संयोजक श्रेष्ठले जानकारी दिए । गत बर्ष प्रतियोगितामा प्रथम हुनेले १ लाख पाएको थियो । उनले प्रतियोगितामा उत्कृष्ट गोलकिपर, उत्कृष्ट स्कोररले माइक्रोम्याक्स कम्पनीको मोबाईल पाउनेछन् । सबैभन्दा पाको उमेरका खेलाडीलाई १० हजार रुपैयाँ प्रदान गरिने छ ।

त्यस्तै प्रतियोगिता अवलोकनका लागि आउने व्यक्तिहरु मध्येबाट गोलाप्रथाबाट एक जनालाई होण्डा कम्पनीको स्कूटर प्रदान गरिने आयोजकले जानकारी दिएको छ । त्यसका लागि दर्शकहरुले ५० रुपैयाँको टिकट काट्नु पर्ने व्यवस्था रहेको आयोजक पेनाल्टी सुट आउट प्रतियोगिताका संयोजक दिनेश श्रेष्ठले बताए ।

प्रतियोगिता धनगढीमा रहेको ओम प्यालेसमा चैत्र ३० गते साँभ शुरु भई राती १२ बजे नयाँ वर्ष २०७६ लाई स्वागत गर्दै समापन गरिने छ ।

प्रतियोगिता धनगढीमा रहेको ओम प्यालेसमा चैत्र ३० गते साँभ शुरु भई राती १२ बजे नयाँ वर्ष २०७६ लाई स्वागत गर्दै समापन गरिने छ ।