नेपालगन्ज (हाम्रो खेलकुद) – प्रदेश ५ मा यसैवर्ष आयोजना हुने भनिएको आठौं राष्ट्रिय खेलकुद प्रतियोगिताको लागि बहुप्रतिक्षित भिआईपी प्याराफिट सोमबार राति नेपालगन्जमा आइपुगेको छ ।

चीनमा निर्माण गरिएको भिआईपी प्याराफिट सिंगापुर, मलेसिया र भारत हुँदै सोमबार साँझमात्रै नेपालगञ्ज रंगशालामा ल्याइएसँगै जडान कार्यलाई तीब्रता दिइएको राष्ट्रिय खेलकुद परिषद (राखेप) ले जानकारी गराएको छ । भिआइपी प्याराफिट केही दिन रुपैडिया नाकामा रोकिएको थियो ।

राखेपका सदस्य सचिव केशवकुमार विष्टले प्याराफिट एकहप्ता भित्र निर्माण सम्पन्न गर्ने गरी जडानको काम भइरहेको जानकारी दिए । सदस्य सचिव केशवकुमार विष्टले एक हप्ताभित्र जडान सक्ने चाइनिज इन्जिनियरले बचन दिएको बताए ।

आठौं राष्ट्रिय खेलकुदको उद्घाटन र समापन हुने नेपालगञ्ज रंगशालामा भिआइपी प्याराफिट निर्माण ढिलाईको कारणले आठौैं राष्ट्रिय प्रतियोगिताको मिति तोक्न ढिलाई भएको बताईएको छ ।
चैतको अन्तिममा भए पनि आठाँैको उद्घाटन गर्ने राखेपको योजना छ ।

चैत २७ गते राष्ट्रपतिबाट औपचारिक रुपमा उद्घाटन हुने आठौँको टिम गेम २२ गतेदेखि गर्ने राखेपको तयारी गरेको छ ।

आठौं राष्ट्रिय खेलको उद्घाटन र समापन समेत हुने स्थलमा जडान गर्न लागिएको भिआइपि प्याराफिट जडानको काम चिनिया इन्जिनियरको टीमले तीब्र गतिमा सुरु गरिरहेको प्रादेशिक खेलकुद विकास समिति प्रदेश नं. ५ का अध्यक्ष भीम ओलीले जानकारी दिए ।