काठमाडौं (हाम्रो खेलकुद) – सशस्त्र प्रहरी बल एपीएफका किरण बोगटी र पुष्पा भण्डारी तेस्रो संस्करणको झिल्टुङ क्रस कन्ट्री रेस च्याम्पियनसिपमा नयाँ कीर्तिमानसहित
च्याम्पियन बनेका छन् ।

नुवाकोटस्थित बेलकोटगढी वडा नम्वर ५ को आयोजनामा शनिबार भएको च्याम्पियनसिपमा किरणले आर्मीका होमलाल श्रेष्ठको तथा पुष्पाले सन्तोषी श्रेष्ठले राखेको कीर्तिमानलाई तोड्दै च्याम्पियन बनेका हुन् ।

करण च्याम्पियन बन्नेक्रममा एपीएफका किरण बोगटीले निर्धारित १३.४ किलोमिटर दुरी ५४ मिनेट ८ दशमलव ०३ सेकेण्डमा दुरी पुरा गरे । दोस्रो भएका आर्मीका नरेन्द्रसिहं रावतले ५५ मिनेट ५३ सेकेण्डमा दुरी पुरा गर्दा आर्मीकै राजन रोकायाले ५७ मिनेट २८ सेकेण्डमा दुरी पा गर्दै तेस्रो स्थान हात पारे ।

एपीएफकी पुष्पा भण्डारीले १ घण्टा ६ मिनेट ४३ सेकेण्डमा दुरी पुरा गर्दै च्याम्पियन बनिन् । आर्मीकी सरिता वासीले १ घण्टा १३ मिनेट ३२ सेकेण्ड दुरी पार गर्दै दोस्रो तथा एपीएफकी रेखा विष्टले १ घण्टा १४ मिनेट ५० सेकेण्डमा दुरी पार गर्दै तेस्रो स्थान हात पारिन् ।

रेकर्ड ब्रेक गरेका दुवै २५ हजार सहित थप ५–५ हजार पाए । दोस्रो भएकोले समान १५ तथा तेस्रो हुनेले १० हजार नगद पाए ।

यस्तै ४.५ किलोमिटर रन फर फनमा छात्रतर्फ सन्तोषनाथ योगी पहिलो, सुनिस आलेमगर दोस्रो तथा सुमन न्यौपाने तेस्रो भए । छात्रातर्फ स्वेच्छा बलामी मगर पहिलो, रेस्तिना सिनिसु दोस्रो तथा कुशलता तामाङले तेस्रो स्थान हात पारेको रेसको संयोजक पूर्व धावक तथा प्रतियोगिता संयोजक मोहन नेपालले जानकारी गराए ।

छात्र र छात्रा विजेताले समान ५ हजार, दोस्रोले ३ हजार र तेस्रो हुनेले २ हजार रुपैया हात पार्नेछन् । रेस नुवाकोटस्थित कोल्पुटारबाट सुरु भएर कोल्फुटार, बेलिनि, राजोदार, माझगाउँ, लामाचौर हुँदै कोल्पुरटारमा पुगेर सकिएको थियो ।

सह–आयोजकमा लियो क्लब अफ नुवाकोट र श्री महादेव स्कुल र वरपरका विभिन्न क्लबहरुले चयाम्पियनसिपलाई साथ दिएका थिए ।

च्याम्पियनसिपको पहिलो संस्करणमा पुरुषतर्फ होमलाल श्रेष्ठ र महिलातर्फ सन्तोषी श्रेष्ठ च्याम्पियन भएका थिए । दोस्रो संस्करणमा पुरुषतर्फ भुमिराज राई र महिलामा कान्छीमाया कोजु कोजु च्याम्पियन बनेकी थिइन् ।