6 years ago
March 15, 2019
काठमाडौं (हाम्रो खेलकुद) – सशस्त्र प्रहरी महानिरीक्षक छैटौं राष्ट्रिय खुल्ला महिला भलिबल प्रतियोगिता आगमी चैत्र १० गतेदेखी १५ गते सम्म हुने भएको छ ।
आयोजक सशस्त्र प्रहरी बल (एपीएफ) ले राजधानीमा पत्रकार सम्मेलन गर्दै आयोजक नेपाल एपिएफ क्लबले प्रतियोगिताबारे सम्पूर्ण जानकारी गराएको छ ।
६ टिम सहभागि रहने प्रतियोगिताको विजेताले २ लाख ५० हजार रुपैयासहित गोल्ड मेडल र प्रमाणपत्र पाउने छ । त्यस्तै दोस्रो विजेताले १ लाख २५ हजार सहित सिल्भर मेडल र तेस्रो स्थानमा चित्त बुझाउने टोलीले ५० हजार सहित ब्रन्ज मेडल पाउने छन् । उत्कृष्ट स्पाकईकर, सर्भर, डिफेन्स, बल्कर, सेटर र प्रशिक्षकले समान ५ हजार र ट्रफी प्राप्त गर्ने छन् ।
प्रतियोगिताको सवोत्कृष्ट खेलाडीलाई आकर्षक पुरस्कार प्रदान गरिने आयोजक नेपाल एपिएफ क्लवले जनाएको छ । गतवर्ष उत्कृष्ट खेलाडीलाई स्कुटर प्रदान गरेको थियो ।
प्रतियोगितामा नेपाल एपिएफ, त्रिभुवन आर्मी, नेपाल पुलिस ,जावलाखेल भलिबल प्रशिक्षण केन्द्र, न्यु डायमन्ड र ढोरपाटन गरि ६ टिमले सहभागिता जनाउने छन् । लिग कम नकआउटका आधारमा हुने प्रतियोगिताका सबै खेलहरु हल्चोकमा हुनेछ ।
यस्तै सशस्त्र प्रहरी बलले पन्ध्रौं राष्ट्रब्यापी कृष्ण मोहन स्मृति खुल्ला ब्याडमिन्टन प्रतियोगिता र एघारौ सहवीर स्मृति लन टेनिस प्रतियोगिता पनि सोही मितिबौ सुरु हुने जानकारी गराएको छ ।
एघारौ सहवीर स्मृति खुल्ला टेनिस प्रतियोगितामा पुरुष एकल, महिला एकल मिश्रीत युगल, पुरुष युगल, भेट्रान्स लगात ७ विधामा प्रतिसप्रर्धा हुनेछ । पुरुष एकलको विजेताले ६० हजार, दोस्रोले ३० र तेस्रो हुनेले २० हजार प्राप्त गर्नेछन् । त्यस्तै महिला एकलको विजेता,उप विजेता र तेस्रो हुनेले क्रमशः ६०, ३० र २० हजार हजार पाउने छन् ।
अन्य विभिन्न विधाका विजेता, उप विजेता र तेस्रो स्थानमा हुनेले पनि पुरस्कार पाउने छन् । प्रतियोगिता सशस्त्र प्रहरी बल प्रधान कार्यलय परिसर स्थित नेपाल एपीएफ क्लवको टेनिस कोर्ट र काठमाडौं जिल्ला टेनिस संघ दशरथ रंगशालामा संचालन हुने छ ।
त्यस्तै पन्ध्रौं राष्ट्रब्यापी कृष्ण मोहन स्मृति खुल्ला ब्याडमिन्टन प्रतिगोगितामा विभिन्न विघामा पुरुष एकल, महिला एकल, पुरुष युगल, महिला युगल, मिक्स डबल्स, यू–१७ महिला पुरुष दुबै, भेट्रान्स युगल ४५ र ५५ बर्ष, मास्टर युगल ३५ वर्षमाथिको विधामा प्रतिसप्रर्धा हुने भएको छ । विभिन्न १० विधामा गरेर उपाधि कुल रकम ७ लाख १० हजार एपीएफले छुट्याएको छ ।
February 22, 2025
हेटौंडा (हाम्रो खेलकुद)- हेटौंडा उपमहानगरपालिका वडा नं १५ ले अनुपम घलान स्मृति नगरस्तरीय यू १६ फुटबल प्रतियोगिताको उपाधि जितेको छ । शनिबार भएको फाइनलमा वडा नं १८ लाई सडनडेथमा पराजित गर्दै वडा नं १५ ले उपाधि जितेको हो । निर्धारित समय र टाइब्रेकरमा समेत बराबरी भएपछि खेलको निर्णय सडन डेथमा भएको हो । सेमिफाइनलमा १५ […]
February 19, 2025
एजेन्सी – च्याम्पियन्स ट्रफीको पहिलो खेलमा पाकिस्तानले टस जितेको छ। न्युजिल्यान्ड विरुद्धको खेलमा टस जितेको पाकिस्तानले पहिले बलिङ गर्ने भएको छ। आयोजक पाकिस्तान प्रतियोगिताको साविक विजेता पनि हो।
February 17, 2025
काठमाडौं (हाम्रो खेलकुद) – च्याम्पियन मार्शल आर्ट्स एकेडेमी युएसएले अमेरिकाको न्यु जर्सीमा भएको गार्डेन स्टेट कराते च्याम्पियनसिप २०२५ मा चार पदक जित्न सफल भएका छन् । गार्डेन स्टेट कराते च्याम्पियनसिप २०२५ मा प्रभावशाली प्रदर्शन गर्दै दुई रजत पदक र दुई कास्यपदक जित्न सफल भएको करातेका पुर्व अन्तर्राष्ट्रिय खेलाडी तथा एकेडेमीका प्रशिक्षक सुनिल लामाले जानकारी गराए […]
