काठमाडौं (हाम्रो खेलकुद) – हरेक वर्ष आयोजना हुने हुन्डाई ओपन गल्फ प्रतियोगिता यसै साता हुने भएको छ ।

हुन्डाई गाडीको नेपालको एकमात्र अधिकृत विक्रेता लक्ष्मी इन्टरकन्टिनेन्टल प्रालिको आयोजनामा हुहुने प्रतियोगिता गोकर्ण गल्फ क्लबमा शुक्रबार र शनिबार हुने भएको हो ।

१८ होलमा स्टेबल फोल्ड फम्र्याट र ३÷४ ह्याण्डीक्यापको आधारमा खेलाइने गोकर्ण गल्फ क्लबका सिनियर डाइरेक्टर दीपक आचार्यले पत्रकार सम्मेलनमा जानकरी गराए । प्रतियोगितामा नेपाल भरिका करिव १३० गल्फरले सहभागिता जनाउनेछन् ।

प्रतियोगिताको विजेताले १ लाख २० हजार बराबरको जिपिएस गल्फ घडी जित्नेछ । दोस्रो हुनेले ५० हजार बराबरको जिपिएस गल्फ घडी र तेस्रो हुनेले २५ हजार रूपैया बराबरको घडी पाउनेछ ।

ग्रस विजेताले ६० हजार रूपैया बराबरको जिपिएस घडी जित्नेछ । सिनियर विजेता (६० वर्ष माथि), जुनियर विजेता (१७ वर्षमुनि) महिला विजेता, हुन्डाई क्याटगोरी विनर, लङगेस्ट ड्राइभ, क्लोजेस्ट टु पिन, मोस्ट बर्डिजले समान २५–२५ हजार रूपैया बराबरको जिपिएस घडी पाउनेछ ।

हरेक वर्ष झै यसपटक पनि प्रतियोगिताको मुख्य आकर्षकको रुपमा होल इन वान रहेको छ । होल नम्बर १० मा होल इन वन गर्नेले नयाँ हुन्डाई स्यान्ट्रो पुरस्कार दिइने आयोजकले जनाएको छ ।

क्लबका सिनियर निर्देशक दीपक आचार्यले होल इन वान नेपालीले खेलाडीले पटक पटक गरेको स्मरण गरेको बताउदै प्रतियोगिताका बेला भने, होल इन वान हुन नसकेको बताए ।