6 years ago
March 2, 2019
काठमाडौं (हाम्रो खेलकुद) – त्रिभुवन आर्मी क्लबका कृष्ण बस्नेत चौथो संस्करणको प्रधान सेनापति खुल्ला म्याराथनमा च्याम्पियन बनेका छन् ।
आर्मीका धावक बस्नेतले निर्धारित ४२.१९५ किलोमिटर दुरी २ घण्टा २० मिनेट ५१ सेकेण्डमा पुरा गर्दै लगातार दोस्रो वर्ष च्याम्पियन बन्न सफल भएका हुन् । उनले आफ्नो व्यक्तिगत प्रदर्शनमा सुधार समेत गरे । आर्मीभित्र भने उनले कीर्तिमान बनाउन सफल भएका हुन् । उनले पूर्ण तामाङले राखेको २ घन्टा २२ मिनेट १९ सेकेन्डको कीर्तिमानलाई तोडेका हुन् ।
आर्मीकै राजन खत्रीले २ घण्टा २८ मिनेटमा दौड पूरा गर्दै दोस्रो स्थान हात पारे । आर्मीकै नवराज साउद २ घण्टा २९ मिनेट ५९ सेकेन्डसहित तेस्रो भए । आर्मीकै खगेन्द्र भाटले चौथो स्थान हात पारे । विनोद सिजापति, सविन तामाङ र भीम गुरुङले क्रमशः पाँचौदेखि सातौ स्थान हात पारे ।
च्याम्पियन बनेसँगै कृष्ण बस्नेतले १ लाख २५ हजार रूपैयासहित १ स्थान पल्सर मोटरसाइकल प्राप्त गरे । दोस्रो भएको राजनले ६५ हजार रूपैया, तेस्रो भएको नवराज साउदले ३५ हजार रूपैया पाए । चौथो देखि सातौले क्रमशः २५, १५, १० हजार र ५ हजार रूपैया पाए ।
महिला हाफ म्याराथनमा आर्मीकी विश्वरुपा बुढाले उपाधि जितिन् । उनले निर्धारित दुरी १ घन्टा १७ मिनेट २० सकेन्डमा पुरा गरे । एपीएफकी विन्द्रा देशारले १ घन्टा २६ मिनेट १२ सेकेन्डमा दुरी पार गर्दै दोस्रो स्थान हात पारिन् । १ घन्टा २६ मिनेट ३२ सेकेन्डमा दुरी पुरा गरेकी आर्मीकी चन्द्रा रावत तेस्रो भइन् । पुरुष ४५ वर्षमुनि आर्मीका कल्याण बाँनिया पहिलो, आर्मीकै गजेन्द्र राई दोस्रो र आर्मीकै टिकाराज कटवालले तेस्रो स्थान हात पारे ।
हाफ म्याराथनको महिला र पुरुषतर्फको बिजेताले समान ५० हजार, दोस्रो हुनेले ३५ हजार र तेस्रो हुनेले २५ हजार रूपैया हात पारे ।
४५ वर्षमाथि धर्म महर्जन पहिलो, भीम गुरुङ दोस्रो र भीमसेन अवालेले तेस्रो स्थान हात पारे । विजेताले ४० हजार, दोस्रोले २५ हजार र तेस्रोले १५ हजार रूपैया हात पारे । विजेतालाई प्रधानसेनापति पूर्णचन्द्र थापालगायतले पुरस्कृत गरे ।
म्याराथनको पहिलो संस्करणमा नेपाल पुलिस क्लबका भुमिराज राई च्याम्पियन बनेका थिए । दोस्रो संस्करणमा सशस्त्र प्रहरी बलका गोपीचन्द्र पार्की र तेस्रो संस्करणमा आर्मीकै कृष्णा बस्नेत च्याम्पियन बनेका थिए ।
सोही अवसरमा सेनाले आर्मीका तीन पुर्व अन्तर्राष्ट्रिय खेलाडीलाई सम्मान गरेको थियो । सम्मानित हुनेमा एथलेटिक्सका राजेन्द्र भन्डारी, पारा एथलिटका विक्रम बहादुर राना र सुटिङका टिकाराम श्रेष्ठ सम्मानित भए ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं (हाम्रो खेलकुद)- अन्तर्राष्ट्रिय स्पोर्टस् ब्रान्ड एक्स स्टेपको नयाँ आउटलेट काठमाडौंको कोटेश्वरमा शनिवार सुरु भएको छ। नेपाली राष्ट्रिय भलिबल भलिबलका टोलीका केही खेलाडीसहित माल्दिभ्स मा आयोजना हुने काभा क्लब च्याम्पियनसिप खेल्ने तयारीमा रहेको नेपाल पुलिस क्लबका खेलाडी, प्रशिक्षक र अफिसियल टोलीको एक्स स्टेप आउटलेटको संयुक्तरुपमा उद्घाटन गरेका थिए। एक्स स्टेपको नेपालका लागि आधिकारिक विक्रेता रेन्बो […]
September 6, 2024
पोखरा (हाम्रो खेलकुद)– आफ्नो मुख्य स्पाइकरद्धय सरस्वती चौधरी र निरुता ठगुन्नाविनै कोर्टमा उत्रिएको विभागीय नेपाल एपिएफ क्लब लामाचौर कप राष्ट्रिय भलिबलको महिलातर्फ च्याम्पियन बनेको छ । एपिएफले शुक्रबार भएको फाइनलमा टिप टप न्यु डायमण्ड युथ स्पोर्ट्स क्लबलाई ३–१ को सेटमा पराजित गर्दै च्याम्पियन बन्न सफल भएको हो । यससँगै एपिएफले समूह चरणमा भोगेको हारको बदला […]