काठमाडौं (हाम्रो खेलकुद) – गणेशमान सिंह फाउन्डेसनको आयोजनामा आजदेखि चार दिनसम्म बसन्तपुर डबलीमा वीर गणेशमान सिंह स्मृति राष्ट्रिय बक्सिङ च्याम्पियनसिप आयोजना हुदैछ ।

आयोजकले प्रतियोगिताको सम्पुर्ण तयारी पुरा भैसेकेको जानकारी गराएको छ । प्रतियोगिता आजबाट माघ २६ गते सम्म सञ्चालन हुनेछ । प्रतियोगिताको उद्घाटन फाउन्डसेनका अध्यक्ष प्रकाशमान सिंहले गर्ने कार्यक्रम छ ।
गणेशमान सिंहका नाममा यसअघि दुई संस्करण योङ स्टार क्लबले खुला बक्सिङ प्रतियोगिता आयोजना गरेको थियो । प्रतियोगितालाई विभिन्न ६ कर्पाेरेट घरानाहरुले प्रायोजन गरेको छ ।प्रतियोगितामा सर्वोत्कृष्ट प्रदर्शन गर्ने पुरुष खेलाडीलाई मोटर साइकल र महिला खेलाडीलाई स्कुटर प्रदान गरिनेछ ।

प्रतियोगितामा सात प्रदेश तथा ३ विभागिय टोली (नेपाल प्रहरी, त्रिभुवन आर्मी क्लब र नेपाल एपिएफ क्लब ) का गरि १० टोलीको सहभागिता रहनेछ ।

प्रतियोगितामा पुरुषतर्फ ८ तौल र महिलातर्फ ६ तौल समूहमाप्रतिस्पर्धा हुनेछ । पुरुषतर्फ ४६–४९ केजी, ५२, ५६, ६०, ६४, ६९, ७५ र ८१ केजीतौलमाप्रतिस्पर्धा हुनेछ । त्यस्तै महिला खेलाडी ४५–४८ केजी, ५१, ५४, ५७, ६० र ६४ केजीतौल समूहमा भिड्नेछन् । हरेक तौल समूहको विजेताले २५ हजार दोस्रो हुने खेलाडीले १५ हजार र तेस्रो हुने दुई खेलाडीले समान ७ हजार पाँच हजार रुपैयाँ प्राप्त गर्नेछन् । झन्डै ८० लाख रुपैयाँ खर्च हुने अनुमान गरिएको प्रतियोगिताकालागि राखेपले ५० लाख रुपैयाँ उपलब्ध गराएको छ ।