काठमाडौं (हाम्रो खेलकुद) –  आयोजक विशाल मिलन केन्द्र (बीएमके) र डिफेन्डिङ च्याम्पियन साइपाल तेस्रो बुम महिला बास्केटबल प्रतियोगितामा विजयी भएका छन् ।

चण्डोलस्थित घरेलु कोर्टमा आइतबार भएको खेलमा बीएमकेले अर्को आयोजक एनसीसीएसलाई ३८–३७ को झनो अन्तरले पराजित गर्दै जित हात पारेको हो । रोमाञ्चक खेलमा बीएमकेकी कृषा धनलेखाले १० अंक जोडिन् । सुरुका दुई क्वाटरमा पछि परेको स्थितिलाई उल्ट्याउदै बीएमकेले नतिजा आफ्नो पक्षमा पार्न सफल भएको हो ।

बीएमके पहिलोमा ८–१२ तथा दोश्रोमा ७–१० ले पछि परेको थियो । बीएमकेले तेश्रोमा ११–९ तथा चौथोमा १२–६ को अग्रता बनाउदै पहिलो जित हात पा¥यो । दुई खेल खेलेको बीएमके यसअघि समृद्धि गोरिल्लाजसँग पराजित भएको थियो । साइपालले समृद्धिलाई ४३–३६ ले हराउदै विजयी सुरुआत ग¥यो । साइपालकी रोशनी श्रेष्ठले १८ स्कोर गरिन् ।

पहिलो क्वाटरमा साइपालले ९–२ को अग्रता लियो भने दोश्रो १५–१५ को बराबरीमा सकियो । तेश्रो क्वाटरमा समृद्धि १०–१३ ले अगाडि रह्यो । चौथो क्वाटरमा साइपालले ९–६ को प्रदर्शन ग¥यो । दुई खेलमा समृद्धिको पहिलो हार हो ।

शनिबार समृद्धिले आयोजक बीएमकेलाई हराएको थियो । साइपालको पहिलो खेल हो । प्रतियोगिताअन्तर्गत सोमबार साइपाल र बीएमके तथा काठमाडौं नर्थ पोल क्लब र समृद्धिबीच खेल हुनेछ ।