9 years ago
March 29, 2016
काठमाडौं, चैत १६
सर्वाधिक पुरस्कार राशिको तेस्रो राष्ट्रिय पुरुष लिग भलिबल प्रतियोगिता बैशाख पहिलो साता झापाको धाईजन–दुवागढीमा हुने भएको छ ।
नेपाल भलिबल संघ र विहानी बचत तथा क्रृण सहकारी संस्था लिमिटेडको संयुक्त आयोजना वैशाख २ देखि ५ सम्म सञ्चालन हुने प्रतियोगितामा पुर्वाञ्चल क्षेत्रीय भलिबल संघ, मध्यमाञ्चल क्षेत्रीय भलिबल संघ, पश्चिमाञ्चल क्षेत्रीय भलिबल संघ, नेपाल पुलिस क्लब, सशस्त्र प्रहरीको एपिएफ क्लब, नेपाल आर्मी क्लब, जावलाखेल भलिबल ट्रेनिङ सेन्टर र ढोरपाटन भलिबल प्रशिक्षण केन्द्रसहित आठ टिमले सहभागिता जनाउने मंगलवार पत्रकार सम्मेलन मार्फत आयोजकले जानकारीे गरायो ।
प्रतियोगिताको विजेताले ३ लाख १५ हजार,उपबिजेताले १ लाख ७५ हजार तथा तेस्रो हुनेले १ लाख १० हजार रुपैया प्राप्त गर्नेछन् । त्यस्तै सर्वाेत्कृष्ट खेलाडीले नगद २५ हजार प्राप्त गर्ने नेपाल भलिबल संघका अध्यक्ष दानवहादुर तामाङले बताए । अध्यक्ष तामाङले प्रतियोगिताको लागि आर्मी क्लबले आयोजना गरेको प्रधानसेनापति कप भलिबल प्रतियोगितालाई आधार मानेर टिम छनोट गरिएको बताए ।
प्रतियोगितामा एक टिमबाट चार विदेशी खेलाडीलाई अनुबन्धन गर्न सकिने आयोजक नेपाल भलिबल संघका महासचिव जितेन्द्रवहादुर चन्दले बताए । प्रतियोगिता सम्पन्न गर्न करिव २१ लाख खर्च लाग्ने विहानी बचत तथा क्रृण सहकारी संस्था लिमिटेडका सचिव नरेश मोहराले बताए ।
प्रतियोगिताको दोश्रो पुरस्कारको सौजन्य आफ्नी छोरी रंजना कन्दङ्गवा(योङ्गहाङ) को स्मृतिमा बुवा रामकुमार कन्दङ्गवाले गरेका छन् । प्रतियोगिताको मुख्य प्रायोजन सोनिया घर घडेरी खरिद बिक्री केन्द्र, दुवागढीका सञ्चालक नरेन्द्र मेचेले गरेका हुन् । कार्यक्रममा नेपाल भलिबल संघका सचिवद्धय टिएस ठकुरी, मदन खड्का, सदस्य लेखनाथ न्यौपानेलगायत झापा जिल्ला भलिबल संघका सदस्यहरुको उपस्थिति रहेको थियो ।
March 1, 2025
काठमाडौं (हाम्रो खेलकुद)- नेपाल पुलिस क्लबले तेस्रो राष्ट्रिय डोरी तान प्रतियोगिताको पुरुष र महिला दुवै समूहको उपाधि जितेको छ । पुरुष ६४० केजी र महिला ५८० केजी तौल समूहमा गराइएको प्रतियोगिताको दुवै समूहको शनिवार भएको फाइनलमा पुलिसले त्रिभुवन आर्मी क्लबलसई पराजित गर्यो । फाइनलमा पुलिसले आर्मीलाई २-१ को सेटमा हराउँदै पुरुषतर्फको उपाधि जितेको हो । […]
February 28, 2025
काठमाडौं (हाम्रो खेलकुद)- प्रमुख दाबेदार निरज तामाङलाई एक स्ट्रोकले हराउँदै अनुभवी तोरण विक्रम शाही सूर्य नेपाल एनपिजिए टुर च्याम्पियनसिपको उपाधि जित्न सफल भएका छन्। घरेलु टुरमा तोरणले १२ वर्षपछि उपाधि जितेका हुन्। ५-अन्डर ६७ को स्कोरमा समग्रमा १८-अन्डर २७० सहित उनले निरजलाई रोमाञ्चक शैलीमा माथ दिए। यसअघि उनले सन् २०१३ मा यही च्याम्पियनसिप जितेका थिए। […]
February 23, 2025
काठमाडौं (हाम्रो खेलकुद) – तेस्रो संस्करणको माछापुच्छ्रे गाँउपालिका अध्यक्ष कप गण्डकी प्रदेश अन्तरपालिका स्तरीय पुरुष तथा खुल्ला महिला भलिबल प्रतियोगिता यसै सातादेखि हुने भएको छ । माछापुच्छ्रे गाँउपालिका खेलकुद बिकास समिति लाहाचोक कास्कीको आयोजनामा हुने प्रतियोगिता १४ देखि १७ फागुनसम्म माछापुच्छ्रे गाँउपालिका वडा नम्वर ७ धम्पुसमा हुनेछ । पुरुषतर्फ पालिका बाहिरका जुनसुकै तह र स्तरका […]
