काठमाडौं, चैत १५
तेस्रो राष्ट्रिय खुल्ला महिला भलिबल प्रतियोगितामा सशस्त्र प्रहरीकौ एपिएफ क्लब र नेपाल पुलिस क्लबले विजयी सुरआत गरेको छ ।

प्रतियोगिताको उद्घाटन खेलमा आयोजक एपिएफले पश्चिमाञ्चललाई तथा नेपाल पुलिस क्लबले ढोरपाटन स्पोर्टस टे«निङ सेन्टरलाई पराजित गर्दै विजयी सुरुआत गरेको हो । एपीएफले २५–१०, २५–१९ र २६–२४ को सोझो सेटमा पश्चिमाञ्चल क्षेत्रीय भलिबल संघलाई पराजित ग¥यो । अर्काे खेलमा नेपाल पुलिस क्लबले ढोरपाटन स्पोर्टस टे«निङ सेन्टरलाई २५–११, २५–१४ र २५–०९ ले पराजित ग¥यो ।

सशस्त्र प्रहरी बल केन्द्रीय खेलकुद समितिको आयोजनामा संचालन भएको प्रतियोगितामा नेपाल एपीएफ क्लबसहित नेपाल पुलिस क्लब, ढोरपाटन स्पोर्टस टे«निङ सेन्टर, पश्चिमाञ्चल क्षेत्रीय भलिबल संघ र जावलाखेल भलिबल प्रशिक्षण केन्द्रको टिम गरी कूल पाँचवटा टिमको सहभागिता रहेको छ । न्यू डायमण्ड एकेडेमीले भने प्राविधक कारण देखाउदै उक्त खेल खेलेको छैन ।
प्रतियोगिताको विजेताले दुई लाख ५० हजार रुपैयाँ तथा दोस्रो हुनेलाई नगद एक लाख २५ हजार रुपैयाँ र तृतीय हुनेलाई नगद ५० हजार रुपैया नगद पुरस्कार प्राप्त गर्नेछ । यसैगरी प्रतियोगिताका सर्वोत्कृष्ट खेलाडीलाई पुरस्कार स्वरुप एक थान स्कुटर प्रदान गरिनुका साथै उत्कृष्ट स्पाइकर, सर्भर, डिफेन्स, ब्लकर, सेटर र उत्कृष्ट प्रशिक्षकलाई समेत जनही पाँच÷पाँच हजार रपैयाँ पुरस्कारको व्यवस्था गरिएको सशस्त्र प्रहरी बल केन्द्रीय खेलकुद समितिले जनाएको छ । लिगकम नकआउटका आधारमा १९ गतेसम्म चल्नेछ ।