काठमाडौं (हाम्रो खेलकुद) – तेस्रो संस्करणको टिभीएस एभरेष्ट प्रिमियर लिग (ईपीएल) को तेस्रो दिन पहिलो खेलमा चितवन टाइसर्गले काठमाडौं किंग्स इलाभेनलाई १ सय ६१ रनको लक्ष्य दिएको छ ।

टियू क्रिकेट मैदानमा टस हारेर पहिला ब्याटिङ गरेको चितवनले निर्धारित १९.५ ओभरमा अल आउट हुदैँ १ सय ६० रन बनायो । पहिलो विकेटको लागि ओपनर पल स्टर्लिङ र सन्दीप सुनारले ५ ओभरमा ५३ रनको साझेदारी गर्दै चितवनलाई राम्रो सुरुवात दिलाएका थिए । पहिलो विकेटका लागि प्रदीप साहुले सोमपाल कामीको हातबाट क्याच गराउदै पाँँचौ ओभरको पहिलो बलमा आयरल्यान्डका आक्रमक ओपनर ब्याट्सम्यान पल स्टर्लिङलाई ३४ रनमा पेभिलिएनको बाटो देखाए ।

पलले १३ बलमा समान ३ चौका र छक्का प्रहार गरे । त्यस्तै जोन सिम्पनलाई त्यसै ओभरको दोस्रो बलमा साहुले आउट गर्दै डक आउट पठाए । छैटौँ ओभरको अन्तिम बलमा जितेन्द्र मुखियाको हातबाट क्याच गराउदै सागर पुनले सन्दीप सुनारलाई २५ रनमा आउट गरेपछि चितवन सुरुवाती दवावमा परेको थियो । सुनारले १९ बलमा ५ चौका प्रहार गरे । चौथो विकेटका लागि दिपेन्द्रसिंह ऐरी र जर्ज स्कटले ४० रनको साझेदारी गर्दै चितवनको इनिङस उकासे । केभिन ओ ब्रायनले १२.१ ओभरमा जर्जलाई बोल्ड आउट गर्दै पाट्नशिप तोडेका थिए । जर्जले १९ बलमा १ छक्का प्रहार गर्दै १५ रनमा आउट भए ।

पाँचौ विकेटका लागि ऐरीले कप्तान पृथु वास्कोटासँग ३३ रनको साझेदारी गर्दै चितवनको ब्याटिङ उकासेका थिए । दिपेन्द्रलाई साहुले १६.५ ओभरमा मुखियाको हातबाट क्याच गरादै ४५ रनमा पेभिलिएन फर्काए । ऐरीले ४० बलमा ५ चौका प्रहार गरे । त्यस्तै चितवनका लागि बास्कोटाले २० रन नट आउट रहदा ,भिम सार्की ७, कमल सिंह ऐरी १ रन जोडे ।

काठमाडौँका प्रदीप साहुले ४ ओभरमा २४ रन खर्चेर ३ विकेट लिए । त्यस्तै सांसद शेखले २.५ ओभरमा १८ रन खर्चिदा ३ विकेट लिए । सागर पुन,अंमरसिंह राउटेला र केभिन ओ व्रायनले पनि समान १ विकेट लिए ।

पृथु बास्कोटा