9 years ago
March 28, 2016
काठमाडौ, चैत्र १५
रुपीनाला युवा समाज नेपालको आयोजनामा ‘टुर दि वारपाक’ क्रस कन्ट्री माउन्टेन वाइक साइक्लिङ हुने भएको छ । गत वैशाख १२ को विनाशकारी भुकम्पको केन्द्रविन्दु भएको स्थान बारपाकको भुकम्प पीडितको सहयोगार्थ ‘टुर दि वारपाक’ हुने आयोजकले पत्रकार सम्मेलनबाट जानकारी गराए ।
दुई चरणमा विभाजित साइक्लिङको समुह ‘ए’ वैशाख १० गते काठमाडौंबाट गोरखा जानेछन् । त्यसपछि समूह बीको टोलीसँग मिसिएर ११ गते गोरखाबाट भुकम्प केन्द्रविन्दु वारपाक प्रस्थान गर्नेछ । टुर दि वारपाक साइक्लिङमा करिव दुई सय जनाको सहभागिता रहने आयोजकले जनाएको छ । जसमा नेपालसहित अमेरिका, भारत, थाइल्याण्ड, बंगलादेश, इटाली, इंग्ल्याण्ड, अष्ट्रेलियालगायतका देशका राइडरहरुको सहभागिता रहनेछ ।
हामी पिडामा छौ , तर हारेका छैनौ । हाम्रो केही गुमेको छ , तर हामी आफैँ नयाँ निमार्ण गर्नेछौ भन्ने सन्देश हामी भूकम्पको केन्द्रविन्दू बारपाकबाट सम्पूर्ण विश्वलाई दिन चाहन्छौ आयोजक रुपीनाला युवा समाज नेपालका अध्यक्ष तुलाराम घलेले जनाए । उनले यो अभियानका लागि लागि करिव ३० लाख लागत लाग्ने बताए । अध्यक्ष घलेका अनुसार साइक्लिङको माध्यमबाट भुकम्प पीडितको लागि फन्ड उठाउने र बारपाक पुर्ननिर्माणका लागि सहयोग गर्ने जानकारी गराए । विश्वकै उत्कृष्ट राइडरहरु समेतलाई भूकम्पको केन्द्रविन्दूूमा लगेर नेपालको पर्यटन प्रवद्र्धन गर्न उद्देश्य समेत रहेको प्रचार संयोजक पासङ शेर्पाले जनाईन् ।
March 1, 2025
काठमाडौं (हाम्रो खेलकुद)- नेपाल पुलिस क्लबले तेस्रो राष्ट्रिय डोरी तान प्रतियोगिताको पुरुष र महिला दुवै समूहको उपाधि जितेको छ । पुरुष ६४० केजी र महिला ५८० केजी तौल समूहमा गराइएको प्रतियोगिताको दुवै समूहको शनिवार भएको फाइनलमा पुलिसले त्रिभुवन आर्मी क्लबलसई पराजित गर्यो । फाइनलमा पुलिसले आर्मीलाई २-१ को सेटमा हराउँदै पुरुषतर्फको उपाधि जितेको हो । […]
February 28, 2025
काठमाडौं (हाम्रो खेलकुद)- प्रमुख दाबेदार निरज तामाङलाई एक स्ट्रोकले हराउँदै अनुभवी तोरण विक्रम शाही सूर्य नेपाल एनपिजिए टुर च्याम्पियनसिपको उपाधि जित्न सफल भएका छन्। घरेलु टुरमा तोरणले १२ वर्षपछि उपाधि जितेका हुन्। ५-अन्डर ६७ को स्कोरमा समग्रमा १८-अन्डर २७० सहित उनले निरजलाई रोमाञ्चक शैलीमा माथ दिए। यसअघि उनले सन् २०१३ मा यही च्याम्पियनसिप जितेका थिए। […]
February 23, 2025
काठमाडौं (हाम्रो खेलकुद) – तेस्रो संस्करणको माछापुच्छ्रे गाँउपालिका अध्यक्ष कप गण्डकी प्रदेश अन्तरपालिका स्तरीय पुरुष तथा खुल्ला महिला भलिबल प्रतियोगिता यसै सातादेखि हुने भएको छ । माछापुच्छ्रे गाँउपालिका खेलकुद बिकास समिति लाहाचोक कास्कीको आयोजनामा हुने प्रतियोगिता १४ देखि १७ फागुनसम्म माछापुच्छ्रे गाँउपालिका वडा नम्वर ७ धम्पुसमा हुनेछ । पुरुषतर्फ पालिका बाहिरका जुनसुकै तह र स्तरका […]
