दिपक बोहोरा

पाँचथर – खेलकुदको माध्यमबाट आन्तरीक तथा बाह्रय पर्यटनको प्रर्वद्धन गर्ने उद्देश्यले प्रत्येक वर्ष आयोजना हँदै आएको फाल्गुनन्द गोल्डकपको दशैं संस्करण पुस २१ गतेबाट ३० गते सम्म फिदिममा आयोजना हुने भएको छ । बुधबार फिदिममा पत्रकार सम्मेलन गरेर आयोजकले यसबारे जानकारी दिएका छन् ।

फाल्गुनन्द गोल्डकप फुटबल प्रतियोगिता राष्ट्रिय विभुति महागुरु फाल्गुनन्द लिङदेनको सम्झनामा प्रत्येक वर्ष फिदिम स्र्पोटिङ क्लबले आयोजना गर्दै आएको छ । यस पटकको संस्करण जिल्ला फुटबल संघ पाँचथर र फिदिम स्पोर्टिङ क्लब दुबैले संयुक्तरुपमा आयोजन गर्ने पत्रकार संम्मेलनमा जानकारी दिएइको छ ।

फाल्गुन्नद गोल्डकपमा मोफसलका चर्चित क्लबहरु र ए डिभिजन सहित दश टिमको सहभागीता रहने छ । प्रतियोगितामा ए डिभिजन क्लबहरु हिमालयन शेर्पा क्लब, एपीएफ क्लब, त्रिभुवन आर्मी क्लब, ब्याइज युनियन क्लब, जावलाखेल युथ क्लब र मोफसलका सुनसरी ११,झापा ११, मोरङ ११,कर्णसिं सोनाम क्लब ताप्लेजुङ, आयोजक फिदिम स्र्पोटिङ क्लबको सहभागीता रहने आयोजकले बताएका छन् । केहि क्लबहरु संग अझै कुरा भइ रहेकाले अन्तीम समय सम्म केहि टिम परिर्वतन हुन सक्ने आयोजकले जानकारी दिए ।

पूर्वकै प्रतिष्ठित फुटबल प्रतियोगिता फाल्गुनन्द गोल्डकपको दशैं संस्करणको विजेताले नगद उपाधि चार लाख प्राप्त गर्दा उपबिजेताले नगद दुई लाख प्राप्त गर्ने आयोजक मध्येको फिदिम स्र्पोटिङ क्लबका अध्यक्ष बिमल श्रेष्ठले जानकारी दिए । प्रतियोगितामा अघिल्लो संस्करण भन्दा यो संस्करण मा पुुरस्कार राशिमा बृद्धि गरिएको छ ।

प्रतियोगितामा ब्यक्तिगत विधा तर्फ उत्कृष्ट गोल रक्षक,उत्कृष्ट डिफेन्डर, उत्कृष्ट मिडफिल्डर, उत्कृष्ट फर्वड,एक जना उदयमानि खेलाडीले र प्रत्येक खेलको म्यान अफ दि म्याच हुने खेलाडीहरुले समान १० हजार प्राप्त गर्नेछन् । प्रतियोगिताको उत्कृष्ट प्रशिक्षक, सर्वाधिक गोलकर्ताले समान नगद १५ हजार प्राप्त गर्ने छन् । प्रतियोगिताको सर्वोकृष्ट खेलाडीले एक थान मोटर साइकल प्राप्त गर्ने आयोजकलले बताएका छन् ।

फाल्गुनन्द गोल्डकपको दशैं संस्करणलाइ रुस्लान भोड्का मुख्य प्रायोजकको रुपमा रहने आयोजकले जानकारी दिए । प्रतियोगिताको अनुमानित लागत करिब ५३ लाख लाग्ने अध्यक्ष श्रेष्ठले जानकारी दिए ।