धनगढी, चैत ६ चौराहा र हसनपुरले सगरमाथा सिमेन्ट धनगढी क्रिकेटमा विजयी भएका छन् ।
लिग अन्तर्गत शनिवार भएको पहिलो खेलमा हसनपुरले सिवाईसी अत्तरियालाई ५ विकेटले तथा चौराहाले सन्तोषी टोललाई ८७ रनको फराकिलो अन्तरले पराजित ग¥यो । जितसँगै हसनपुर रोयल्र्स दोस्रोमा र चौराहा तेस्रो स्थानमा उक्लिएको छ ।

अत्तरियाले दिएको १२३ रनको लक्ष्य हसनपुरले १ ओभर बाँकी छदै ५ विकेट गुमाएर लक्ष्य भेटायो । टीमका लागि ललित बमले २८, भिम सार्कीले २७, बसन्त सिंह कार्कीले २० तथा अमित पडालले १६ रनको पारी खेले । अत्तरियाका सुरेन्द्र चन्द, नबिन भण्डारी, दिपक खत्री, ज्ञानेन्द्र कुवँरले समान १–१ विकेट लिए पनि टीमलाई जित दिलाउँन सकेनन् । खेलका म्यान अफ द म्याच सयुंक्त रुपमा हसनपुर रोयल्र्सका भिम सार्की र अमित पडाल भए ।
यसअघि टस टस हारेर ब्याटिङमा उत्रिएको अत्तरियाले १९.५ ओभरमा आफ्ना सवै विकेट गुमाएर १ सय २२ रन बनायो । सिवाईसी अत्तरियाका लागि नरेश बोहराले २९ रनको पारी खेले । त्यस्तै सुरेन्द्र चन्दले १७, महबुव आलमले १६ र शैलेश कडायतले १३ रनको पारी खेले । हसनपुर बिनोद लामाले ३ विकेट लिए । प्रकाश थापाले २ विकेट लिए ।
यस्तै शनिबारै भएको दोस्रो खेलमा टीम चौराहाले सन्तोषी टोललाई ८७ को फराकिलो अन्तरले पराजित पारेको छ । टस जितेर पहिले ब्याटिङ गरेको चौराहाले २० ओभरमा सवै विकेट गुमाएर २ सय १९ रनको विशाल लक्ष्य बनाएको थियो । सानी तामाङले ९५ रनको पारी खेले । ५४ बलको सामना गर्दै उनले ८ चौका र ७ छक्का प्रहार गरे । त्यस्तै पदम केसीले ४९ बलमा ७७ रनको ईनिङ खेले । चौराहाका योगेन्द्र सिंह कार्कीले अभिजित २२ रनको ईनिंग खेल्दा २ चौका र १ छक्का प्रहार गरे ।
सन्तोषी टोलका महेश अधिकारीले एकमात्र विकेट लिन सके । जवाफी ब्याटिङमा सन्तोषी टोलले सवै ओभर खेल्दै ९ विकेट गुमाएरु १ सय ३२ रन बनायो । ओपनर विजय रानाले ४२ रनको पारी खेल्दा प्रेम आउँजीले २९ रन बनाए । त्यस्तै अमित साहु १९ रनमा पवेलियन फर्किए । चौराहाका पदम केसीले ४ विकेट लिए त्यस्तै अमन पन्थि, किरण ठगुन्नाले समान १ विकेट पाए । प्रतियोगिता अन्र्तगत आइतबार हसनपुर रोयल्र्स र क्याम्पसरोड तथा चौराहा र सिवाईसी अत्तरियाबीच खेल हुनेछ ।