काठमाडौं (हाम्रा खेलकुद) – नेपाली कम्युनिष्ट आन्दोलनका संस्थापक पुष्पलाल श्रेष्ठको सम्झनामा नेपाल खेलकुद महासंघल हरेक वर्ष आयोना गर्ने पुष्पलाल स्मृती राष्ट्रिय ब्याडमिन्टन प्रतियोगिताको आठौं संस्करण कार्तिक अन्तिा सातादेखि हुने भएको छ ।

प्रतियोगिता कार्तिक २७ गतेबाट त्रिपुरेश्वस्थित राष्ट्रिय खेलकुद परिषद (राखेप) को कभर्डहलमा हुनेछ । प्रतियोगिता २०६८ बाट शुरु भएको थियो ।

प्रतियोगिताामा पुरुष तथा महिला एकल तथा युगल, यु–१७ छात्र तथा छात्रा एकल र भेट्रान्स (४५ बर्ष माथी) जोडी गरि ७ बिधामा प्रतिस्पर्धा हुने संघका अध्यक्ष बिरेन्द्र श्रेष्ठले जानकारी गराए ।

करिब १२ लाख लागतको अनुमानित बजेट रहेको प्रतियोगितामा पुरुष/महिला एकलमा शीर्ष तीन स्थान हात पार्नेले मेडल, ट्रफी प्रमाण पत्रका साथै नगद ५० हजार, २५ हजार र १० हजार, युगल तर्फ २०, १० र ५ हजार प्राप्त गर्नेछन् ।

यस्तै यु–१७ तर्फ छात्र तथा छात्रा दुवै तर्फ पहिलो, दोश्रो र तेश्रो हुनेले क्रमशः १५ हजार, ७ हजार र ५÷५ हजार सहित मेडल, प्रमाण पत्र, ट्रफी प्राप्त गर्नेछन् । नेपाल ब्याडमिन्टन संघको प्राविधिक सहयोगमा हुने प्रतियोगितामा करिव २०० खेलाडीहरुले सहभागित जनाउने आयोजकले जनाएका छन् ।

प्रतियोगिताको सातौं संस्करणमा पुरुष एकलमा सेनाका रत्नजित तामाङ, महिलातर्फ पूर्वाञ्चलकी जेशिका गुरुङ, पुरुष युगलतर्फ सेनाका रत्नजित तामाङ र नविन श्रेष्ठको जोडी तथा महिला तर्फ नङ्शल तामाङ र अनु राईको जोडी बिजयी भएका थिए । यस्तै यु —१७ मा छात्र तर्फ सेनाका प्रफुल महर्जन र छात्रा तर्फ पूर्वाञ्चलकी जेसिकाले बाजी मारेका थिए ।