पोखरा (हाम्रो खेलकुद) – पोखरा प्रिमियर लिग अन्तर्गत पहिलो खेलमा टस जितेर बलिङ्ग रोजेको विराटनगरविरुद्ध घरेलु टोली पोखराले राम्रो सुरुआत गरेको छ। 

ओपनर कुशल भुर्तेलले आक्रामक सुरुआत गर्दै शरद भेषवाकरको कप्तानीमा रहेको पोखरा पल्टनलाई राम्रो सुरुआत दिलाएपनि उनी सातौँ ओभरको पहिलो बलमा सन्दीपको सिकार भएका छन्। सन्दीपले व्यक्तिगत दोस्रो ओभरको पहिलो बलमा बाउण्डरी लाइन कटाउने प्रयास गरेका कुशल बाउण्डरीमा प्रदीप ऐरीको हातबाट क्याच भएका थिए। कुशलले २६ बलको सामना गर्दै २ छक्का र ५ चौकाको मद्दतले ३८ रन प्रहार गरे। ७ ओभरको अन्त्यमा पोखराले १ विकेट गुमाउँदै ६१ रन जोडेको छ। अर्का ओपनर आसिफ शेखले १५ बलमा १३ रन बनाएका छन्।

पोखरा पल्टन शुरुवाती –११ शरद भेषवाकर (कप्तान), रोहित कुमार पौडेल, विनोद भन्डारी (उप–कप्तान) ,ललित नारायण राजवंशी, रसिद खान, कृष्ण कार्की, कुशल भुर्तेल, विक्रम भुषाल, मेहबुव आलम, मोहम्मद आरिफ शेख, रबि इन्दर सिंह

विराटनगर टाइटन्स शुरुवाती –११ सन्दीप लामिछाने, रविन जोशी, जितेन्द्र सिंह ठकुरी, राजु रिजाल, एन्टन एन्ड्रियु, सुविकसान महेश्वरम, राजेश पुलामी, पुष्प थापा, सुनिल धमला, दिपेश श्रेष्ठ, प्रदीप ऐरी, शाहव आलम

अपडेट : १० ओभर, पोखरा : ९३/१