काठमाडौं (हाम्रो खेलकुद) – पर्वत तथा भारतीय सेनाका अनिष थापामगर लिग लिगे राजा बन्न सफल भएका छन् । आइतबार भएको नवौं संस्करणको लिग लिगे दौडमा च्याम्पियन बन्दै अनिष दोस्रोपटक लिग लिगे दौडको च्याम्पियन बन्दै एक वर्षका लागि लिग लिगे राजा बन्न सफल भएका हुन् ।

चेपेघाटदेखि लिग लिग कोट दरबारसम्मको १३.८ किमी दूरी ५८ मिनेट २५.४४ सेकेन्डमा पार गर्दै थापाले उपाधि हात पारेका हुन् । बाग्लुङका तीर्थ पुनले निर्धारित दुरी ५८ मिनेट ४०. २८ सेकेन्डमा दुरी पूरा गर्दै दोस्रो स्थान हात पारे । ५९ मिनेट २१.६६ सेकेन्डमा दुर पार गर्दा नेपाली सेनाका रामजी बस्नेत तेस्रो भए । सेनाका टिकाराज कटुवाल, सुर्खेतका पवन कुमार ओली, सेनाकै हरि कुमार रिमाल, पुलिसका भुमिराज राई, जुम्लाका धिर बहादुर बुढा र एपिएफका गणेश सिंह ठकुरीले क्रमशः चौथोदेखि नवौं स्थान हात पारे । उपाधिसँगै अनिषले ६० हजार १ सय नगद र श्रीपेचसहित, पगरी, ट्रफी र लिगलिगकोट दूतको व्याच प्राप्त गरे । उनलाई आजै लिग लिगे राजा घोषणा गर्दै लिग लिगको परिक्रमा गराइएको थियो ।

दोस्रो भएको तीर्थ पुनले ३५ हजार १ सय, तेस्रो भएको रामजी बस्नेतले २५ हजार १ सय रुपैया प्राप्त गरे । चौथो देखि नवौंं सम्मले १२ हजार १ सय, ७ हजार १ सय, ५ हजार १ सय, ४ हजार १ सय, ३ हजार १ सय र नवौले २ हजार १ सय नगद प्राप्त गरे । स्थानिय पुरुषतर्फ पालुङटारका कमल नेपालीले पहिलो स्थान हात पारे । सुर्य अधिकारीले दोस्रो तथा दीपक नेपालीले तेस्रो स्थान हात पारे । विजेताले २० हजार ५, दोस्रोले १२ हजार ५, तेस्रोले ७ हजार ५ प्राप्त गरे ।

लिगलिगे दौड अन्तर्गत नै ५ किमि महिला खुल्लातर्फ एपीएफकी पुष्पा भन्डारीले पहिलो स्थान हात पारिन् । आर्मीकी सानुमाया कार्कीले दोस्रो तथा प्युठानकी हुमी बुढामगरले तेस्रो स्थान हात पारिन् । विजेताले २० हजार ५, दोस्रोले १२ हजार ५ र तेस्रोले ७ हजार ५ नगद प्रात गरिन् ।

विद्यालय छात्रतर्फ पूर्ण तामाङ पहिलो भए । सुनिल बसेलले दोस्रो तथा सुशिल न्यौपानेले तेस्रो स्थान हात पारे । छात्रा ३ किमितर्फ सुनिता गिरी, रजिना जोशी र नीता देवकोटाले पहिलो देखि तेस्रो स्थान हात पारे । छात्र र छात्राको शीर्ष तीन जनाले समान ५ हजार १ सय, दोस्रोले ३ हजार १ सय र तेस्रोले २ हजार १ सय प्राप्त गरे । भेट्रान्सतर्फ धर्म महर्जन पहिलो, पुष्पलाल श्रेष्ठ दोस्रो तथा वैकुन्ठ मानन्धर तेस्रो भए ।

विसं १९१६ सालमा द्रब्यशाह राजा बनेपछि हुन छाडेको लिगलिगे दौड पछिल्लो नै वर्षयता हुँदै आएको छ । पर्यटन प्रवर्द्धनसँगै खेल क्षेत्रको विकासका लागि पछिल्लो ९ वर्षयता, लिग लिग कोट विकास अभियानले निरन्तर लिगलिगे दौड प्रतियोगिता आयोजना गर्दै आएको अध्यक्ष पूर्ण बहादुर रानाले जानकारी गराए ।

लिग लिगे दौडका अहिलेसम्मका विजेताहरु:

भुमिराज राई (इलाम, २०६७)

हरि कुमार रिमाल (धादिङ, २०६८)

समिर तामाङ (रामेछाप, २०६९)

कृष्ण बहादुर बस्नेत (रामेछाप, २०७०)

अनिष थापामगर (पर्वत, २०७१)

हरि कुमार रिमाल (धादिङ, २०७२)

अनिष थापामगर (पर्वत, २०७३)

खगेन्द्र बहादुर भाट (डोटी, २०७४)

अनिष थापामगर (पर्वत, २०७५)