न्यू डायमण्ड र एपीएफ उपाधिका खेल्ने

काठमाडौं फागुन २५ । न्यू डायमण्ड एकेडेमी र सशस्त्र प्रहरीको एपिएफ क्लब मदन–पासाङ स्मृति प्रथम राष्ट्रिय महिला भलिबल प्रतियोगिताको उपाधिको लागि खेल्ने भएको छ ।

मगंलबार न्यू डायमण्ड एकेडेमीको घरेलु कोर्टमा भएको खेलमा दुवै टोलीले आफ्नो प्रतिद्वन्द्वीलाई पराजित गर्दै उपाधि भिडन्त पक्का गरेका हुन् । पहिलो सेमिफाइनलमा न्यू डायमण्डले नेपाल पुलिस क्लबमाथि ३–२ को प्रतिस्पर्धात्मक जित निकाल्यो । पहिलो र दोस्रो सेट २३–२५ र २०–२५ ले गुमाएको न्यू डायमण्डले खेलमा फर्कदै लगातार तीनै सेट जित्दै खेलमा फर्कियो । घरेलु कोर्टमा फाइनलमा पुग्न तीनै सेट जित्नु पर्ने दबाबमा परेको डायमण्डले २५–२२, २५–२२ र १५–११ ले जित हात पारेको थियो । त्यसैगरी दोस्रो सेमिफाइनलमा एपीएफले पश्चिमाञ्चललाई ३–० को सोझो सेटमा हरायो ।
एपीएफले फाइनलमा पश्चिमाञ्चललाई २५–७,२५–१७ र २५–१२ को सेटमा पारजित ग¥यो । सेमिफाइनलमा पराजित पुलिस र पश्चिमाञ्चल तेस्रो स्थानको लागि बुधबार खेल्नेछन् । फाइनल खेल पनि बुधबार नै हुनेछ ।