काठमाडौं (हाम्रो खेलकुद) – त्रिभुवन आर्मी क्लबका होमलाल श्रेष्ठ र नेपाली एपिएफ क्लबकी कान्छी माया कोँजु १२औं संस्करणको काठमाडौं म्याराथनको च्याम्पियन बनेकी छन् ।

त्रिपुरेश्वरस्थित दशरथ रंगशालामा शनिबार बिहान भएको म्याराथनमा पुरुषतर्फ होमलालले आफ्नै क्लबका राजन खत्रीलाई पछि पार्दै उपाधि जितेका हुन् । होमलालले निर्धारित दुरी २ घन्टा २० मिनेट ४५ सेकेन्डमा पुरा गर्दै उपाधि जित्न सफल भए । उनको यो व्यक्तिगत राम्रो प्रदर्शन हो ।

दोस्रो भएको आर्मीका राजन खत्रीले २ घन्टा २३ मिनेट ३३ सकेन्डमा पुरा गर्दै दोस्रो स्थान आत पारे । नेपाल पुलिस क्लबका भुमिराज राईले २ घन्टा २४ मिनेट ३१ सेकेन्डमा दुरी पूरा गर्दै तेस्रो स्थान हात पारे । होमलाल कोर्ष रेकर्ड ब्रेक गर्नबाट २ सेकेन्डले चुके । दुई वर्षअघि भुमिराज राईले २ घन्टा २० मिनेट ४४ सेकेन्डको कीर्तिमान राखेका थिए । च्याम्पियन बनेसँगै होमले ५० हजार रुपैया प्राप्त गरे । दोस्रो भएोको  राजनले ३० हजार र तेस्रो भएको भुमिराजले १५ हजार रुपैया प्राप्त गरे ।

होमलालले १२औं पटकको सहभागितामा काठमाडौं म्याराथनमा च्याम्पियन बन्न सकेको मा खुशी व्यक्त गरे । म लगातार १२औं संस्करण सम्म दौडिए । आज मलाई १२ वर्षपछि खोला फर्कन्छ भने जस्तै भएको छ । १२औं संस्करणमा आएर च्याम्पियन बन्न सफल भएको छु ।’ होमलालले भने, ‘उमेरसँगै म्याराथ छाड्ने समयमा च्याम्पियन बन्दा झनै मनोवल बढेको छ । आगमी म्याराथनमा राम्रो गर्दै जाने लक्ष्य हुनेछ ।

महिलातर्फ विभागीय नेपाल एपिएफ क्लबकी कान्छीमाया कोजु च्याम्पियन बनिन् । कान्छीले निर्धारित दुरी २ घन्टा ५० मिनेट ४१ सेकेन्डमा पुरा गर्दै दुई वर्ष अघि आफ्नै नाममा रहेको कीर्तिमान भंग गरेको हो । उनले २०७३ को काठमाडौं म्याराथनमा २ घन्टा ५५ मिनेट ५८ सेकेडसहित कीर्तिमान बनाएको थियो । उनले यसपटक कान्छीले ५ मिनेट १७ सेकेन्ड समय सुधार गरेकी हुन् ।

काठमाडौं म्याराथनको च्याम्पियन बनेसँगै कान्छीले १३औं साग र आठौं राष्ट्रिय खेलकुद नजिकिदै गरेको अवस्थामा बीचमा आएको प्रतियोगिताले नाफा भएको बताइन् । उनले निरतनर प्रशिक्ष्ण र कडा मिहेनतले नै यो सफलता हात पार्न सकेको बताईन् ।

आर्मीकी सरिता वासीले ३ घन्टा ११ मिनेट १४ सेकेन्डमा दुरी पुरा गर्दै दोस्रो स्थान हात पार्दा राजपुरा पचहाईले ३ घन्टा २४ मिनेट ८ सेकेन्डमा दुरी पुरा गर्दै तेस्रो स्थान हात पारिन् । उपाधिसँगै कान्छीले ५० हजार र शिलड प्रामप्त गरिन् । दोस्रो भएको सरिताले २० हजार र राजपुराले १५ हजार रुपैया प्राप्त गरिन् ।

रोड रेसको पुरुषतर्फ एपिएफका गोपीचन्द्र पार्की पहिलो भए । आर्मीका रामजी बस्नेत दोस्रो तथा पुलिसका सन्तोष विक्रम विष्ट तेस्रो भए ।
महिलातर्फ आर्मीकी विश्वरुपा बुढा पहिलो भइन् । एपिएफकी वृन्दा श्रेष्ठ र पुष्प भन्डारीले दोस्रो र तेस्रो स्थान हात पारिन् । रोड रेसको महिला र पुरुष दुवै तर्फको विजेताले सामन २० हजार प्राप्त गरे । दोस्रो भएकाले १३ हजार तथा तेस्रो भएकाले समान ७ हजार प्राप्त गरे ।

काठमाडौं म्याराथनका मुख्य आयोजक निलेन्द्रराज श्रेष्ठले हाफ म्याराथनको दुरीमा समस्या हुदा यसलाई रोड रेस मान्नु परेको बताए । डिस्टेन्स मिस्टेकले सबै खेलाडीहरु त्यही रुटबाट नै दौडिएपछि हामीले यसलाई हाफ म्याराथन नभनी रोड रेस भन्नु परेको उनले बताए ।
५ किलोमिटर खुल्लामा अजित यादव पहिलो भए । मिलन कार्की दोसा्र तथा जितेन्द्र दनुवार तेस्रो भए । महिलातर्फ सन्तोषी श्रेष्ठ, सानुमाया कार्की र फुलमति राना क्रमश पहिलो देखि तेस्रो भइन् ।
५ किलोमिटर मास्टर्स पुरुषमा धर्म महर्जन पहिलो भए । भीम बहादुर दोस्रो तथा कपिल भट्ट तेस्रो भए । महिलातर्फ सरस्वती खड्का राई पहिलो तथा निलम शर्माले दोस्रो स्थान हात पारिन् । उनीहरुले समान १० हजार, ६ हजार ४ हजार प्राप्त गरे ।

विद्यायल ५किलोमिटर पुरुषमा प्रविन कुमार महरा पहिलो भए । सागर श्रेष्ठ दोस्रो तथा नयन तामाङले तेस्रो स्थान हात पारे । महिलातर्फ मन्जु रावत पहिलो, काजल विष्ट दोस्रो तथा स्वेच्छा बलामी तेस्रो भइन् । उनीहरुले समान ५ हजार, ३ हजार र २ हजार प्राप्त गरे ।

ह्वील चेयर ५ किलोमिटर पुरुषतर्फ कृष्णराज चौधरी पहिलो भए । रविन्द्र खत्री दोस्रो तथा राजेश शिल्पकार तेस्रो भए । महिलातर्फ यामी झाक्री मगर पहिलो भइन् । लक्ष्मी घिमिरे दोस्रो तथा हरी तामा तेस्रो भइन् । उनीहरुले समान ५ हजार, ३ हजार र २ हजार प्राप्त गरे ।

विजयी खलोडीलाई युएनडिपीका प्रतिनिधि, टर्किस एयरलाइनसका प्रतिनिधि मुख्य आयोजक निलेन्द्रराज श्रेष्ठ, प्रशिक्षक रघु वन्तलगायते पुरस्कृत गरे ।
म्याराथनमा २ सय भन्दा बढी धावकले प्रतिस्पर्धा गरेका थिए ।