काठमाडौं (हाम्रो खेलकुद) – वाइवाइ ग्रेट हिमालय क्रिकेट एकेडेमी (जिएचसिए) को यू–१७ टोली मैत्रीपूर्ण टी–२० सिरिजका लागि शुक्रबार बंगलादेश प्रस्थान गरेको छ ।

जिएचसिए टोलीलाई राखृपका सदस्य सचिव केशव कुमार विष्ट, पीपीएल क्लब पोखरा पल्टनका प्रमुख विनायक पोखरेल सिजि फुड्सका लाल बाबु प्रसादले बिदाई गरे । मैत्रीपूर्ण सिरिज कक्स बजारमा असोज २० बाट २६ असोजसम्म हुनेछ ।

यस एकेडेमीको टिमले ढाकामा दुई र कक्स बजारमा दुई मैत्रिपूर्ण ट–२० खेलहरु ढाकाको बंगलादेश क्लव क्रिकेट एकेडेमी, स्र्माट कोचिङ एकेडेमी र कक्स बजार क्रिकेट एकेडेमी सँग खेल्नेछ ।

एकेडेमीले यस्ता खालका मैत्रीपूर्ण सिरिजले माथिल्लो स्तरको नेपाली क्रिकेट खेल्नको लागि सहयोग पुग्ने अपेक्षा लिएको छ । जिएचसिएले यसअघि भारत, वंगलादेश र दुवईको सफल भ्रमण गरिसकेको छ ।
सिरिजको विजेताले ट्रफी र मेडल प्राप्त गर्नेछ । सिरिजको प्लेयर अफ दि सिरिज, उत्कृष्ट ब्याट्सम्यान, बलर र उदियमान खेलाडीले आकर्षक पुरस्कार पाउनेछ छ ।
सोही कार्यक्रममो अवसरमा जिएचसिएले खेलाडी सागर ढकाललाई १० हजारसहित सम्मान गरिएको थियो । चार वर्षदेखि जिएचसिएमा रहेका सागरले भारतको लखनउमा भएको चौकोणात्क सिरिज र यु–१९ एसिया कपमा उत्कृष्ट प्रदर्शन गरेको भन्दै जिएससिएले सम्मान गरेको हो ।

जिएचसिए युथ टोली
विशांक सुवेदी (कप्तान), मनिष सिंह, आदित सुवेदी, आर्जन सिम्खडा, आकाश पौडेल, श्रीहान शर्मा, अक्षित नेपाल, नितेश विष्ट, राज बर्मा, प्रसियस सेवेदी, परिक्षित ढकाल र एकनाथ नेपाल ।
कैलाश विष्ट (टिम लिडर)
पुरुषोत्तम झा (प्रशिक्षक)
बिके प्रसाद (म्यानेजर)