काठमाडौं (हाम्रो खेलकुद) – तेस्रो संस्करणको हेलम्बु ट्रेल म्याराथन प्रतियोगिता कार्तिक पहिलो साता हुने भएको छ । आयोजक हिमालय स्पोर्ट्स क्लबले बुधबार राजधानीमा पत्रकार सम्मेलनको आयोजना गर्दै हेलम्बु ट्रेल म्याराथन कार्तिक  ६ गते हुने जनाकारी गराएको हो ।

प्रदेश नम्वर ३ को सिन्धुपाल्चोक जिल्लाको हेलम्बुमा हुने म्याराथनमा तीन विधामा प्रतिस्पर्धा हुनेछ । जसमा फुल म्याराथन, ५ किमिको खुल्ला दौड र ५ किमिको वाकथान हुने क्लबका अध्यक्ष छिरिङ लामाले जनाकारी गराए । उनले ट्रेल म्याराथन गर्नुको मुख्य उद्देश्य साहसिक खेल पर्याटन प्रवद्र्धन गरी देश विदेशमा हेलम्बुलाई परिचित गराई आन्तरिक तथा बाह्य पर्यटक प्रवद्र्धन गर्नु रहेको बताए । यस्तै उनले काठमाडौंबाट नजिकै रहेको हेलम्बुमा उच्च र्वितीय खेलकुद तालिम केन्द्रको स्थापना गर्ने तयारीमा रहेको समेत बताए ।

प्रतियोगिताको फुल म्याराथनतर्फको विजेताले २५ हजार, दोस्रोले १५ हजार र तेस्रोले १० हजार नगद प्राप्त गर्नेछन् । यस्तै दशौं स्थानसम्मका खेलाडीलाई समेत पुरस्कृत गरिने अयोजकले जनाएको छ । प्रतियोगिताको फुल म्याराथनमा सहभागिता जनाउन ४ हजार ५ सय दर्ता शुल्क बुझाउनु पर्नेछ ।

५ किमिको खुल्ला दौड र वाकथनतर्फ एक हजार दर्ता शुल्क लाग्नेछ । सहभागी खेलाडीको यातायात र खान बस्न खर्च आयोजकले बेहोर्नेछ । प्रतियोगितामा ४७० स्वदेशी र ३० विदेशी खेलाडीको सहभागिता रहने आयोजकले जनाएको छ ।