काठमाडौं (हाम्रो खेलकुद) – नेपाल खेलकुद पत्रकार मञ्च (एनएसजेएफ) ले एनएसजेएफ पत्रकारिता पुरस्कारबाट अग्रज पत्रकार सीताराम अग्रहरि र युवा प्रोत्साहन पुरस्कारबाट दिल तामाङलाई सम्मानित गरेको छ ।

मञ्चले आफ्नो १४औं साधरण सभाको अवसरमा नेपाली खेलकुद पत्रकारितामा विशिष्ट योगदान गर्नुभएका सीताराम अग्रहरिलाई ‘एनएसजेएफ पत्रकारिता सम्मान २०७५’बाट सम्मानित गरेको हो ।
उनले सम्मान–पत्रसहित १५ हजार रुपैया“ प्राप्त गरे । मञ्चका संस्थापक संयोजक रहेका उनी ३५ बर्षयता पत्रकारितामा सक्रिय हुनुहन्छ । उनले गोरखापत्र संस्थानका पूर्वमहाप्रबन्धक र प्रधान सम्पादकको जिम्मेवारीसमेत सफलतापूर्वक निर्वाह गरिसकेका छन् ।

बर्षेनी मञ्चले प्रदान गर्दै आएको एनएसजेएफ पत्रकारिता सम्मानबाट यसअघि श्याम चित्रकार, पुष्करलाल श्रेष्ठ, पी खरेल र गोपाल बस्नेत सम्मानित भैसकेका छन् ।
मञ्चले यसै बर्षदेखि युवा खेल पत्रकारलाई अभिप्रेरित गर्ने उद्देश्यले ‘एनएसजेएफ युवा पत्रकारिता प्रोत्साहन पुरस्कार’ बाट राजधानी दैनिकमा कार्यरत दिल तामाङलाई एआईपीएस एसियाद्वारा उपलब्ध गराइएको ‘मिनी आइप्याड’ प्रदान गरियो ।
मञ्चका अध्यक्ष महेश आचार्यको अध्यक्षतामा भएको साधारणसभामा महासचिव प्रकाश तिमल्सिनाद्वारा प्रस्तुत बार्षिक प्रतिवेदन पारित गरेको छ । उक्त साधारणसभाले कोषाध्यक्ष प्रज्वल ओलीद्वारा प्रस्तुत २०७३÷७३ र २०७४÷७५ को आर्थिक प्रतिवेदन पनि सर्वसम्मन पारित गरेको छ ।