काठमाडौं (हाम्रो खेलकुद) – पाँचौ ढोरपाटन खुल्ला पुरुष भलिबल प्रतियोगितामा १६ टोलीले सहभागिता जनाउने भएको छ । भाद्र ३० गतेबाट असोज ६ गतेसम्म हुुने प्रतियोगितामा १६ टोलीले प्रतिस्पर्धा गर्ने पक्का भएको डोरपाटन क्लबका अध्यक्ष मनवीर छन्त्यालले जानकारी गराए ।

फाइल: तस्विर

सहभागी १६ टिमलाई चार समूहमा विभाजन गरिएको छ । हरेक समूहका शीर्ष दुई टोली क्वाटरफाइनलमा प्रवेश गर्नेछ । समूह ‘ए’ मा आयोजक ढोरपाटन ‘ए’ गीतान्जली कलेज, वेल्कु युनाइटेड, धादिङ र एन्जल्र्स हर्ट स्कुल रहेका छन् । समूह ‘बी’ मा नेपाल एपिएफ क्लब, ढोरपाटन ‘बी’, ग्ल्यासिएर कलेज र बडी गाउपालिका बाग्लुङ रहेका छन् । समूह ‘सी’ मा थ्री स्टार एकेडेमी, नेपाल छन्त्याल संघ, सुर्यदीप कलेज र बुढानिलकन्ठ भलिबल क्लब रहेका छन् । समूह ‘डी’ मा गन्डकी प्रदेश, स्प्रिङडेल कलेज, पाल्पा भलिबल संघ र धादिङ क्लब धादिङ रहेका छन् ।

प्रतियोगिता अन्र्तगतको पहिलो दिन चार खेल हुने आयोजकले जनाएको छ । प्रतियोगिताको सबै खेलहरु नयाँ बसपार्कस्थित ढोरपाटन क्लबको खेल मैदानमा हुनेछ । प्रतियोगितालाई यति ब्रुअरी प्रालिले मुख्य प्रायोजन गरेको छ ।

मुख्य प्रायोजक यति ब्रुअरीको उत्पादन इनर्जी ड्रिंङ्स एम १५० को नामबाट सञ्चालन हुने प्रतियोगिताको विजेताले विजेताले १ लाख रुपैया प्राप्त गर्नेछ । दोस्रो हुनेले ६० हजार र तेस्रो हुने टिमलाई ५० हजार प्राप्त गर्ने आयोजकले जनाएको छ ।

ब्यक्तिगत विधा अन्तर्गत स्पाईकर, ब्लकर क्वीक डिफेन्डर, सर्भर लिफ्टर र प्रशिक्षकलाई ५ हजार प्रदान गरिने छ । प्रतियोगितामा एक जना दर्शकलाई स्कुटर, ८ जना दर्शकले इजी टिसर्ट र अरु ८ जना दर्शकले डाइमण्ड मोबाइल पाउने छन् । प्रतियोगिताको सह प्रायोजकमा आईएमई प्रालि र बीजी मल रहेका छन् ।