ढाका (हाम्रो खेलकुद) – अखिल नेपाल फुटबल संघ (एन्फा) ले साफ सुजुकी कपमा बंगबन्धु रंगशालामा पुगेर नेपाली टिमलाई समर्थन गर्ने समर्थकलाई धन्यवाद ज्ञापन गरेको छ ।

एन्फाले आइबार विज्ञप्ति जारी गर्दै नेपाली टिमको समर्थनमा रंगशालासम्म पुगेर समर्थन र हौसला प्रदान गर्ने सम्पुर्ण प्रशंसकप्रति धन्यवाद ज्ञापन गरेको हो । एन्फाले विशेषगरी ढाकामा रहेका नेपाली समर्थकलाई धन्यवाद ज्ञापन गरेको हो । शनिबार बंगलादेशविरुद्धको महत्वपूर्ण खेलमा पनि नेपाली समर्थकहरुको बाक्लो उपस्थिति रहेको थियो ।
ढाकामा नेपाली प्रसंशकको समर्थनले नेपाली टिमका खेलाडीलाई निकै ठुलो प्रेरणा र उत्साह मिलेको बताउदै सेमिफाइनल खेलमा पनि यस्तै समर्थनको अपेक्षा एन्फाले राखेको छ ।

नेपाल समूह ‘ए’ को विजेताको रुपमा सेमिफाइनलमा प्रवेश गरिसकेको छ । नेपालले शनिबार घरेलु टोली बंगलादेशलाई २–० ले पराजित गरेको थियो । नेपालले २७ भदौमा समूह ‘बी’ को उपविजेतासँग खेल्नेछ ।
समूह ‘ए’ को विजेता र उपविजेताको टुङ्गो आज लाग्नेछ । आज भारत र माल्दिभ्सबीच खेल हुदैछ ।

बंगलादेशमा जारी साफ च्याम्पियनसिप अन्तर्गत समुह विजेताको रुपमा नेपाल सेमिफाईनल प्रवेश गरेको छ । एन्फाले सेमिफाईनलको खेलमा समेत नेपाली खेलाडीको समर्थनमा सम्पुर्ण फुटबल प्रशंसक र समर्थकको उपस्थितीको अपेक्षा राखेको छ ।