न्युयोर्क (एजेन्सी) – विश्व नम्वर एक स्पेनिस राफेल नाडालले चोटका कारण खेल त्यागेपछि अर्जेन्टिनी टेनिस खेलाडी हुवान मार्टिन डेल पोर्टाे युएस ओपनको फाइनलमा पुगेका छन् ।

अर्थ एसे स्टेडियममा शुक्रबार राति भएको सेमिफाइनल खेलको दोस्रो सेट चलिरहँदा नाडालले घुडामा चोट बेहोर्दै खेल्न नसक्ने भएपछि डेल पोर्टाेले उपाधिका लागि नोभाक जोकोभिचसँगको भेट पक्का गरेका हुन् ।

डेल पोर्टाेले पहिलो सेट ७–६ ले जितेको दोस्रो सेटमा ६–२ को पछि परेको थियो । ३२ वर्षीय नाडालले चोट बेहोरेपछि खेललाई निरन्तरता दिन नसक्ने बताएपछि डेल अघिल्लो चरणमा पुग्न सफल भयो । नाडालले गत जनवरीमा अष्ट्रेलियन ओपनको क्वाटरफाइनलमा चोटकै कारण मारिन सिलिकलाई वाकओभर दिएका थिए ।

‘मैले यो प्रतियोगितामा केही समस्याहरु भेगिरहेको छु । विशेषगरी शुरुको दोस्रो र तेस्रो खेलमा बढी समस्या भोगे । त्यसपछि मैले केही सहज महसुस गरे ।’ नाडालले खेल त्याग्दै भनेका छन्, ‘पोर्टाेसँगको पहिलो सेट देखि नै म मेरो पुरानो समस्यासँग जुध्न पुगे । दोस्रो सेट खेल्नै सकिन । खेल्नै नसक्ने भएपछि खेल त्यागेको हुन् ।

पोर्टाे ९ वर्षपछि कुनै पनि युएस ओपनको फाइनलमा पुग्न सफल भएका हुन् । पोर्टाे त्यतिबेला च्याम्पियन नै बनेका थिए ।

पा्ेर्टाेले अब उपाधिका लागि सर्वियन नोभाक जोकोभिचसँग खेल्नेछ । जोकोभिचले जापानी निसिकोरीलाई ३–० को सोझो सेटमा पराजित गर्दै फाइनलमा स्थान सुरक्षित गरेका थिए । फाइनल खेल आइतबार हुनेछ ।