ढाका (हाम्रो खेलकुद) – साफ च्याम्पियनसिप अन्तर्गत पाकिस्तानसँग पराजयबाट प्रतियोगिताको सुरुआत गरेको नेपाली टोलीले दोस्रो खेलमा भुटानको सामना गर्दैछ। उक्त खेल लाइभ कसरी हेर्ने, खेल हुने समय लगायतका सम्पूर्ण जानकारी पाउनुहोस। 

पाकिस्तानविरुद्ध गोल गरेपछि विमल घर्तीमगर । तस्वीरः विवेक सुवेदी/हाम्रो खेलकुद

खेल : नेपाल विरुद्ध भुटान

खेल हुने स्थान : बंगबंधु रंगशाला

खेल सुरु हुने नेपाली समय :दिउँसो ३:४५ बजे

प्रत्यक्ष प्रसारण : एपी वन एच डी, डीस होम एक्सन स्पोर्ट्स साथै यप टिभीबाट अनलाइन हेर्नसक्नु हुनेछ ।

नेपालले साफ च्याम्पियनसिपको पहिलो खेलमा मंगलबार पाकिस्तानसँग २-१ को हार बेहोरिसकेको छ । समूहकै अर्को खेलमा बंगालदेशले भुटानलाई २-० ले पराजित गरेको थियो । अंक तालिकामा आयोजक बंगलादेश शीर्ष स्थानमा छ भने भुटान पुछारमा छ । नेपाल र भुटान दुवै अंकविहिन भएपनि नेपाल गोल अन्तरमा एक स्थान माथि छ । समूहको शीर्ष दुई टोली मात्र सेमिफाइनलमा प्रवेश गर्नेछन् । नेपालले अर्को चरणमा पुग्ने हो भने भुटानविरुद्ध स्पष्ट नतिजा निकाल्नु पर्नेछ । बराबरी भएको खण्डमा नेपालको गणितीय सम्भावना भने जिवितै रहन्छ

समूह चरणमा नेपालका खेलहरु 

नेपाल १-२ पाकिस्तान : सेप्टेम्बर ४

नेपाल विरुद्ध भुटान : सेप्टेम्बर ६

नेपाल विरुद्ध बंगलादेश : सेप्टेम्बर ८