प्रकाश तिमल्सिना
ढाका – डिफेन्डर सुमन अर्यालले साफ सुजुकी कपअन्तर्गत पाकिस्तानविरुद्ध मंगलबार हुने उद्घाटन खेलमा डेब्यु गर्ने भएका छन् । खेल नेपाली समय अनुसार ३ः४५ बजे सुरु हुनेछ । 

त्रिभुवन आर्मी क्लबबाट खेल्दै आएका सुमन लेफ्ट डिफेन्समा खेल्ने गर्छन् । उनले राष्ट्रिय टोलीमा पनि सोहि भूमिका निर्वाह गर्ने छन् । रविन श्रेष्ठ चोट बोक्दै प्रतियोगिताबाट बाहिरए  पछि उनले खेल्न पाएका हुन् । उनले उमेर समूहको यू-१४, यू-१६, यू-१९ र यू-२३ मा खेलिसकेका छन् । नेपालले गतवर्ष यू-१९ साफ च्याम्पियनसिपको उपाधि जित्दा पनि उनको प्रदर्शन राम्रो रहेको थियो ।

साफ च्याम्पियनसिपमा नेपालले अहिले सम्म पाकिस्तानसँग ६ पल्ट प्रतिस्पर्धा गरेको छ । जसमा २ खेल जित र १ हार बेहोरेको नेपालले ३ खेलमा बराबरी गरेको छ । समूह एमा नेपाल, पाकिस्तानसँगै भुटान र आयोजक रहेका छन् । अर्को समूहमा सर्वाधिक सफल टोली भारत, श्रीलंका र माल्दिभ्स छन् । आजै हुने अर्को खेलमा भुटान र बंगलादेशबीच प्रतिस्पर्धा हुनेछ ।

नेपाली फुटबल टोली सुरुवाती- ११  

गोलकिपर – किरण चेम्जोङ
रक्षक – विराज महर्जन (कप्तान), सुमन आर्याल, अनन्त तामाङ, आदित्य चौधरी
मिडफिल्ड – विमल घर्ती मगिर, रोहित चन्द सुजल श्रेष्ठ, अन्जन विष्ट
फरवार्ड – भरत खवास, नवयुग श्रेष्ठ