म्याड्रिड (एजेन्सी) – पोर्चुगिज स्टार क्रिस्टियानो रोनाल्डोको स्थान ग्यारेथ बेलले लिन नसक्दा रियल मड्रिडका अर्का स्टार खेलाडी इस्कोले चिन्ता व्यक्त गरेका छन् । उनले आफ्नो स्थानिय प्रतिद्वन्द्वी एटलेटिको म्याड्रिडसँग युइएफए सुपर कपमा ४–२ ले पराजित भएसँगै यस्तो अभिव्यक्ती दिएका हुन् ।

यसै हप्ता मात्र रियल एट्लेटिको मड्रिडसँग युइएफए सुपर कपमा पराजित भएको थियो । करीम बेन्जेमा र सर्जिओ रामोसको प्रदर्शन प्रति सन्तुष्ट रहेका इस्को बेलको प्रदर्शन प्रति भने चिन्तीत रहेको खुलासा भएको छ । बेललाई टिममा एक स्टार खेलाडीको रुपमा चुनेका थिए । जहाँ आफ्नो स्थानिय चिरपरचित प्रतिद्धन्दीसँगको खेलमा राम्रो प्रदर्शन गर्ने आशा गरिएको थियो ।

बेलले पुरा १२० मिनेटको खेल खेले र बेन्जेमाका लागि पहिगो पास मिलाएका थिए । तर, उनी आफुले भने गोल गर्न सकेनन् । रियलका नवनियुक्त प्रशिक्षक जुलेन लोपेटेगुइले रोनाल्डोको स्थान बेलले लिनेमा विश्वस्त रहेका थिए । यसै सिजन रोनाल्डो १२२ मिलियन युरोमा युभेन्ट्स पुगेका थिए । डन बालोनका अनुसार रियलमा उच्च पदाधिकारी र खेलाडी चिन्तीत छन् की बेल रोनाल्डोको स्थानमा पुग्न धेरै टाढा छन् ।

रियल प्रशिक्षक लोपेटेगुइले यस सिजनका लागी २९ बर्षीय बेलको तयारीलाई पोत्साहित गरेको थियो । रियल बोसले भने, ‘उनी राम्रो खेल्छन् । तर, यस सिजनको यस खेलमा उनले राम्रो खेल्न सकेनन् । हामी उनको प्रदर्शन प्रति खुसी छौ र आशा छ की उनले यसै खेलबाट आफ्नो प्रदर्शनमा सुधार गर्दै लैजाने छन् ।’