काठमाडौं (हाम्रो खेलकुद) – नेपाल खेलाडी तथा प्रशिक्षक संघ र निदान अस्पतालबीच सम्झौता भएको छ ।

सघं र अस्पतालबीच चार वर्षका लागि सम्झौतापत्रमा हस्ताक्षर भएको हो । सम्झौतामा नेपाल खेलाडी तथा प्रशिक्षक संघको तर्फबाट अध्यक्ष महेश नेवा र अस्पतालको तर्फबाट अस्पतालका कार्यकारी निर्देशक अभिषेक श्रेष्ठले मंगलबार एक कार्यक्रमका बीच हस्ताक्षर गरे । सम्झौता आजैको मितिबाट लागु हुनेछ ।

सम्झौता अनुसार अस्पतालले सम्पूर्ण खेलाडी, प्रशिक्षक, राखेप कर्मचारी, परिवारका सदस्या र संघमा आवद्ध सबैको स्वास्थ्य उपचारमा ५ देखि २५ प्रतिशत सम्म छुट दिनेछ ।

सम्झौतापछि अस्पतालका कार्यकारी निर्देशक अभिषेक श्रेष्ठले देशको गहना खेलाडी तथा प्रशिक्षक संघसँग जोडिन पाउनु खुशी रहेको र छुट मात्र नभई नयाँ सम्वन्धको शुरुवात रहेको बताए । उनले अस्पताल नाफामुखी मात्रै नभई सामाजिक उत्तरदायित्वको भावनामा रहेको पनि थपे ।
संघका अध्यक्ष महेश नेवाले छुटका लागि सदस्य नबनेपनि सिफारिसको आधारमा छुट लिन सकिने बताए । ‘छुट लिन संघको सदस्यता लिनैपर्छ भन्ने छैन । सदस्यता लिए दुवैलाई राम्रो हुने हो ।’ अध्यक्ष नेवाले भने, ‘हामीले यसअघि पनि ब्लु क्रस अस्पतालसँग सम्झौता गरेका थियो । उनीहरुसँग पनि सम्झौता बाँकी छ । दुवैतिर गर्दा सबैलाई सहज हुने पनि हामीले विश्वास लिएका छौं ।’