काठमाडौं (हाम्रो खेलकुद) – सरस्वती युवा क्लबले राजधानीमा जारी तेस्रो ललित स्मृतिमा यु–१८ फुटबल प्रतियोगितामा पहिलो जित दर्ता गरेको छ । सातदोबाटोस्थित एन्फा कम्प्लेक्सको एस्ट्रो ट्रफमा भएको समूह ‘ए’ को आफ्नो दोस्रो खेलमा सरस्वतीले मच्छिन्द्र क्लबलाई २–० को गोल अन्तरले पराजित गर्दै प्रतियोगितमा पहिलो जित दर्ता गरेको हो ।

सरस्वतीले यसअघिका दुवै खेल गुमाएको थियो । आर्मीसँग ४–० ले पराजित भएको सरस्वती एनआरटीसँग १–० ले पराजित भएको थियो । मच्छिन्द्रको भने यो लगातार दोस्रो हार हो । मच्छिन्द्र यसअघि एनआरटीसँग पराजित भएको थियो । पहिलो हाफको इन्जुरी समयमा प्राप्त फ्रिकिक प्रहारलाई सुवास कार्कीले हेडमार्फत गोल गर्दै टिमलाई अग्रता दिलाएका थिए ।

८१ औं मिनेटमा मन कुमार राईले गोल गर्दै सरस्वतीको जित पक्का गरे । इन्जुुरी समयमा मच्छिन्द्रका कप्तान शरद राई दोहोरो पहँलो कार्ड खादै मैदान बाहिरिएपछि मच्छिन्द्र १० खेलाडीमा समेटिएको थियो । त्यसपछि थप गोल हुन नसक्दा सरस्वती १–० ले विजयी हुन सफल भयो । पहिलो जितसँगै सरवस्तीको दोस्रो चरण पुग्ने सम्भावना झिनो बनेको छ । तर, यो समूहमा आर्मी र एनआरटीले लगातार दुई जित निकाल्दै शीर्ष दुई स्थानमा रहेका छन् ।