काठमाडौं (हाम्रो खेलकुद) – गोर्खाली रग्बी क्लब र त्रिभुवन आर्मी क्लब पुरुष क्लब रग्बी लिग उपाधिका लागि भिड्ने भएका छन् । नेपाल रग्बी संघको आयोजनामा बिहीबार मध्यपुर युथ क्लबको खेल मैदान भएको १५ ‘ए’ खेलमा मर्सीको मुख्य प्रायोजनमा रहेको गोर्खाली क्लबले धुलिखेलको आकाश भैरब क्लबलाई हराउँदै आर्मीसँगको भेट पक्का ग¥यो ।

मर्सी एजिुकेसनको मुख्य साथ पाएको गोर्खाली क्लबले पहिलो र दोस्रो हाफमा १–१ स्कोर गरेको थियो । गोर्खालीका कृष्ण क्षत्री र विराट श्रेष्ठले गरेको १–१ ट्राई (१० स्कोर) जितका लागि पर्याप्त रह्यो । दुवैले एकआपसमा ट्राइका लागि मद्दत गरेका थिए ।

युवा खेलाडीले भरिएको आकाश भैरबले गत वर्षको उपविजेता गोर्खार्लीलाई दुवै हाफमा कडा चुनौती दिए पनि स्कोर गर्न नसक्दा हार बेहो¥यो । यसअघि भएको पहिलो सेमिफाइन खेलमा आर्मीले हिमालयन टाइगर रग्बी क्लबमाथि २६–० स्कोर रवाफिलो जित निकाल्यो । त्यसक्रममा आर्मीले ४ ट्राई र ३ कनभर्जन किक प्रहार गरेको थियो ।

पहिलो हाफमा कडा चुनाती दिएको हिमालयन टाइगर दोस्रो हाफमा केही कमजोर देखिएको थियो । रग्बी लिगमा युएई रग्बी फेडेरेसनका अन्तर्राष्ट्रिय रेफ्री फ्याबियन जुरिइज मुख्य निर्णायकमा रहेका थिए । प्रतियोगिताको उपाधि र तेस्रो स्थानका लागि शनिबार प्रतिस्पर्धा हुने संघका अध्यक्ष टंकलाल घिसिङले जानकारी दिए । प्रतियोगिता उद्घाटन पूर्व गृहराज्यमन्त्रि श्याम श्रेष्ठले गरेका थिए ।