7 years ago
February 24, 2018
काठमाडौं (हाम्रो खेलकुद) – चाइनिज स्पोर्ट्स वेयर कम्पनी एक्सटेपले आज काठमाडौं स्थित दरबार मार्गमा सोरुम उद्घाटन गरेको छ । नेपाली क्रिकेट टोलीका उपकप्तान ज्ञानेन्द्र मल्ल र एक्सटेपका प्रतिनिधि जुवाङ चाओहुइले सोरुमको उद्घाटन गरे ।
करिब तीन वर्षदेखि नेपालमा खेलकुदका विभिन्न सामग्री विक्री गरिरहेको चाइनिज स्पोर्ट्स वेयर कम्पनी एक्सटेपले दरबार मार्गमा आफ्नै सोरुम खोलेको छ । एक्सटेपको आफ्नो सोरुममा जर्सी, जुत्ता, ज्याकेट लगायतका विभिन्न खेल सामग्री रहेका छन् ।
अबको दुई महिनामा राजधानीस्थित बौद्धमा पनि सोरुम खोल्ने प्रक्रिया अगाडि बढिरहेको एक्सटेपका सञ्चालक गणेश श्रेष्ठले बताए । उद्घाटन समारोहमा नेपाली क्रिकेट टोलीका युवा स्पिनर सन्दिप लामिछाने पनि उपस्थित थिए । एक्सटेपका ब्रान्ड एम्बेसडर फुटबल राष्ट्रिय टोलीका फरवार्ड विमल घर्ती मगर हुन् ।
गत महिना पोखरामा सम्पन्न आहा रारा गोल्डकपमा एक्सटेपको सह-प्रायोजन पनि रहेको थियो । अन्य कम्पनीहरुको सहयोगमा एक्सटेपले अहिले देशभरी १ सय भन्दा बढी ठाउँहरुमा आफ्नो उत्पादन विक्री गरिरहेको छ । आफ्नो सामग्री सस्तो र गुणस्तरीय रहेको एक्सटेपका अर्का सञ्चालक बलराम सापकोटाले जनाए ।
January 17, 2025
काठमाडौं(हाम्रो खेलकुद) – एन्फा यु १६ लिगमा आज भएको खेलमा चर्च ब्वाइज युनाइटेड र एपिएफ क्लब विजयी भएका छन् । सातदोबाटोस्थित एन्फा कम्प्लेक्समा शुक्रवार भएको पहिलो खेलमा चर्च ब्वाइजले हिमालयन शेर्पा क्लबलाई ४-१ ले हराएको हो। दोस्रो खेलमा एपिएफले एफसी खुमलटारलाई ३-० ले पराजित गरेको हो ।
January 16, 2025
काठमाडौं (हाम्रो खेलकुद)- कर्णालीमा चैतमा हुने भनिएको दसौं राष्ट्रिय खेलकुदको लोगो र मस्कट पारित भएको छ। राष्ट्रिय खेलकुद परिषद् (राखेप) का अध्यक्ष युवा तथा खेलकुद मन्त्री तेजुलाल चौधरीको अध्यक्षतामा बिहीवार बसेको १ सय १९ औं बोर्डले दसौं राष्ट्रिय खेलकुदको लोगो र मस्कट पारित गरेको राखेपले जनाएको छ। सिहंदरबारस्थित खेलकुद मन्त्रालयमा बसेको बैठकले लोगो र मस्कट […]
January 14, 2025
काठमाडौं (हाम्रो खेलकुद)- बिबिसी भेट्रानले दोश्रो ललितपुर मेयर कप भेट्रान फुटबल प्रतियोगिताको उपाधि जितेको छ । जावलाखेल मैदानमा मंगलवार भएको फाइनलमा आयोजक कुसुन्ती ‘बी’ लाई २-० ले हराउँदै बिबिसीले उपाधि जितेको हो। दुवै गोल पहिलो हाफको सुरुआती समयमा भएको थियो । बिबिसीका लागि दीपक लामाले पहिलो तथा आकाश छन्त्यालले दोश्रो गोल गरे । उपाधिसंगै बिबिसीले […]
