काठमाडौं (हाम्रो खेलकुद) – स्लम सकरको आयोजनामा हुने घरबार विहिन खेलाडीहरुको फुटबल प्रतियोगिता ‘इन्क्लुसन कप’ खेल्न नेपालको महिला र पुरुष टोली भारतको मुम्बई जाने भएको छ ।

१६ औं संस्करणको राष्ट्रिय प्रतियोगितामा सहभागिता जनाउन लागेका १९ सदस्यीय नेपाली महिला र पुरुष टोलीलाई ललितपुर जिल्ला फुटबल संघका अध्यक्ष पुरुषोत्तम थापामगरले एक कार्यक्रमका बीच बिदाई गरे । पुरुष टोलीले चाइल्ड रिच र महिला टोलीले गो स्पोर्टस् नेपालको प्रतिनिधित्व गर्नेछन् ।

टोली बिहिबार मुम्वई प्रस्थान गर्नेछ । प्रतियोगिता फेब्रुवरी १८ बाट शुरु हुनेछ । फुटबल प्रतियोगिता फेब्रुवरी २० बाट २३ सम्म अधेरी स्पोर्टस् कम्प्लेक्स मुम्वईंमा हुनेछ । लिग कम नकआउटका आधारमा हुने प्रतियोगितामा महिलातर्फ २४ र पुरुषतर्फ २४ टोलीको सहभागिता रहने छ ।

प्रतियोगितामा भारतका विभिन्न राज्यका साथै बंगलादेश, भुटान, नेपाल र श्रीलङ्काको टोलीको सहभागिता रहनेछ । सोही अवसरमा प्रतियोगिताको लागि न्यु एज एजुकेशन कन्सलटेन्सीले ट्याकसुट हस्तान्तरण गर्‍यो । सिन्धु स्पोर्टस् र साइन एण्ड क्लिन सर्भिसेसले टि सर्ट प्रायोजन गरेको छ । गो स्पोर्टसले प्रतियोगिताको लागि ५० हजार रुपैया सहयोग गरेको छ ।

नेपाली महिला टोली
१.रन्जिता शाक्य
२.सुजिता गुरुङ
३.उजेली लामा
४. सुभद्रा खड्का
५.पुजा रानामगर
६. झरना राइं
७.युनिसा आचार्य
८. सरिता गौतम
९. राधिका शाक्य (प्रशिक्षक)
१०. माया लामा (म्यानेजर)

पुरुष टोली
१.फुर्वा लामा
२. पेम्वा लामा
३.साङ्गे स्याङ्वो
४.अजय थापामगर
५. दावा लामा
६.मनोज बलामी
७. शम्शेर तामाङ
८.प्रतिक स्याङतान (प्रशिक्षक)
९. रोशन श्रेष्ठ (म्यानेजर)