काठमाडौं (हाम्रो खेलकुद) – सातौं संस्करणको हिमालयन आउटडोर फेष्टिभल अर्काे साता हुने भएको छ ।

आयोजक हिमालयन आउटडोर फेष्टिभल प्रालिले सोमबार राजधानीमा पत्रकार सम्मेलनको आयोजना गर्दै सातौं संस्करणको फेष्टिभल शुक्रबार, शनिबार र आइतबार हुने जानकारी गराएको हो । फेष्टिभल हात्तीवन हिल फर्पिङमा हुनेछ ।

फेष्टिभलमा तीन विधा (राइड, रक र दौड) समावेश गरिएको छ । राइड अन्तर्गत डाउनहिल, क्रस कन्ट्री, इलिमिनेटर र नाइट अपहिल च्यालेन्ज हुनेछ । यस्तै रकमा बल्डरिङ प्रतिस्पर्धा, डाइनो प्रतिस्पर्धा र खुल्ला ओपन न्याचुरल रक हुनेछ । दौडतर्फ ५ किमि, १० किमि, २० किमि, नाइट रन र किड्स रन हुनेछ ।

५ किमि र किड्स रन रोमाञ्चकताको लागि फेष्टिभलका फाउन्डर स्पन्दन लामा मोत्तानले जानकारी गराए । डाउन हिलमा ५० भन्दा बढी र क्रस कन्ट्रीमा १ सय २० भन्दा बढी प्रतिस्पर्धीले प्रतिस्पर्धा गर्ने बेसक्याम्प आउटडोर लाइफका परेश श्रेष्ठले जानकारी गराए । रकतर्फ २ सय भन्दा बढी खेलाडीले प्रतिस्पर्धा गर्नेछन् ।

डाउनहिल र क्रस कन्ट्रीको इलिटतर्फको विजेताले ३० हजार प्राप्त गर्नेछन् । यस्तै दोस्रो हुनेले २० हजार र दोस्रो हुनेले १० हजार रुपैया प्राप्त गर्ने आयोजकले जनाएको छ । प्रतियोगितालाई नेपाल साइक्लिङ संघले प्राविधिक सहयोग गरेको छ । विभिन्न स्पर्धामा भारत, भुटान, चीन र जापानबाट प्रतिस्पर्धी आउनेछ ।

प्रतियोगितालाई नर्थ फेसले मुख्य प्रायोजन गरेको छ । प्रतियोगिता सञ्चलान गर्न करिव १५ लाख खर्च हुने आयोजकले अनुमान गरेको छ ।