धनगढी (हाम्रो खेलकुद) – दाङको स्पोर्टस स्कुल फुटबल एकेडेमी र फुलवारीको न्यु बुद्ध युवा क्लब धनगढीमा जारी तेश्रो संस्करणको ग्यालेक्सी पब्लिक स्कुल फारवेष्ट पशुपति कप फुटवल प्रतियोगिताको क्वाटरफाईनलमा पुगेका छन् । भारतको हल्द्धानी व्वाईज नआएपछि आयोजक फारवेष्ट पशुपति युवा क्लव ए ले पनि वाइ पाएर सेमिफाइनल पुगेको छ ।

धनगढी रंगशालामा आज दाङको स्पोर्टसले धनगढीको हसनपुर युवा क्लबलाई ८–० ले हरायो । एकेडेमीलाई जिताउन गणेश नेपालीले ५ गोल र हस्तराज गिरी ह्याट्रिक गरे । गणेश म्यान अफ द म्याद भए । स्पोर्टस स्कुल फुटवल एकेडेमीका प्रशिक्षक विदुर गुरुङले खेलाडीहरुले सोचे अनुसारको खेल देखाएकोले सानदार जित हासिल गरेको बताए । हसनपुर युवा क्लवका प्रशिक्षक सन्जय चौधरीले खेलाडीले राम्रो खेल्न नसकेको र पाएका मौकाहरु सही सदुपयोग गर्न नसकेको बताए ।

अर्को खेलमा न्यु वुद्धले चौमलाको मंगल युवा क्लबलाई ६–४ को अन्तरले हरायो । न्यु वुद्धका लागि सुन्दर घिसिङले ह्याट्रिक गरे । न्यु वुद्धका लागि दोस्रो हाफमा लक्ष्मण शाहीले ५५, सुरज शाहीले ५७ र वाल्टर चौधरीले ६७ औं मिनेटमा एक एक गोल थपे । मंगल युवा क्लवले दोस्रो हाफमा नै चार गाले फर्कायो ।

मंगल युवा क्ल्वका लागि विनोद चौरधीले ३८ अर्जुन चौधरीले ५८ र योगेन्द्र चन्दले ७७ औं मिनेटमा गोल गरे । एक गोल आत्मघाती भयो । न्य वुद्धका सुन्दर घिसिङ म्यान अफ द म्याद भए । न्यु वुद्ध युवा क्ल्वका प्रशिक्षका महेश गोलेले सुरुवात देखि खेलाडीहरु लयमा रहेका कारण त्यसलाई निरन्तरता दिएकोले अर्को चरणमा पुगेको वताए । मंगल युवा क्लवका कप्तान योगेन्द्र चन्दले सुरुमा गोल खाएर दवावमा आएपछि दोस्रो हाफमा खेल फर्किने प्रयास सफल हुन नसकेको बताए ।

यो खेलसँगै क्वाटरफाईनल समकिरण पुरा भएको छ । भोलीदेखि क्वाटरफाईनलका खेलहरु हुनेछन । भोलीको पहिलो क्वाटरफाईनलमा आयोजक फारवेष्ट पशुपति वी र पिएफए अत्तरीया प्रतिस्पर्धा गर्नेछन् भने दोस्रो क्वाटरफाइृनलमा फारवेष्ट अत्तरीया स्पोर्टस एकेडेमी र न्यु वुद्ध युवा भिड्ने छन् ।
प्रतियोगिताको विजेताले उपाधिसहित ३ लाख र दोस्रो हुने टोलीले १ लाख ५० हजार रुपैयाँ प्राप्त गरे । विभिन्न ५ विधाका उत्कृष्ट खेलाडीले जनही १० हजार रुपैयाँ पाउनेछन् ।