7 years ago
December 14, 2017
काठमाडौं (हाम्रो खेलकुद) – नेकपा एमालेका अध्यक्ष केपी शर्मा ओलीलाई खेलाडी र खेल कर्मीले बालकोटस्थित निवासमा बिहीबार भेट गरी बधाइ दिएका छन् ।
मंसिर १० र २१ गते दुई चरणमा भएको प्रतिनिधि र प्रदेश सभा निर्वाचनमा एमाले सबै भन्दा ठूलो पार्टी बनेको थियो । अध्यक्ष ओली झापा क्षेत्र नं ५ बाट प्रतिनिधि सभा सदस्यमा निर्वाचित भएका थिए ।
राष्ट्रिय खेलकुद परिषद्का पूर्व उपाध्यक्ष पिताम्बर तिम्सिना, नेपाल राष्ट्रिय तथा अन्तर्रा्ष्ट्रिय खेलाडी संघका अध्यक्ष दीपक श्रेष्ठ, खेलाडी संघका निर्वतमान अध्यक्ष दिपक विष्ट, उपाध्यक्ष दीपक थापा, राष्ट्रिय फुटबल टोलीका पूर्व कप्तानद्वय हरि खड्का र राकेश श्रेष्ठ, नेकपा एमाले खेलकुद विभागका सदस्य मेघराज पौडेल, नेपाल अटोमोबाइल खेलकुद महासंघका महासचिव गोविन्द भट्टराई, खेलाडी संघका महासचिव शिवसुन्दर गोथे, नेपाल रिङ रेस्लिङ संघका अध्यक्ष सुनीता थापा र महासचिव सुवर्ण श्रेष्ठलगायतले भेट गरी ओलीलाई बधाइ दिदैँ आगामी कार्यकालका लागि शुभकामना दिए ।
सो अवसरमा राष्ट्रिय फुटबल टोलीका पूर्व प्रशिक्षक कृष्ण थापा पनि थिए । भेटमा अध्यक्ष ओलीले नेकपा एमालेले सरकार बाहिर हुँदा पनि खेलकुदको विकासमा मदन भण्डारी स्पोर्ट्स एकेडेमी र नेपाल खेलकुद महासंघमार्फत काम गर्दै आइरहेको बताउँदै खेल क्षेत्रको विकास प्रति रुची र चासो रहेको धारणा व्यक्त गरे ।
January 17, 2025
काठमाडौं(हाम्रो खेलकुद) – एन्फा यु १६ लिगमा आज भएको खेलमा चर्च ब्वाइज युनाइटेड र एपिएफ क्लब विजयी भएका छन् । सातदोबाटोस्थित एन्फा कम्प्लेक्समा शुक्रवार भएको पहिलो खेलमा चर्च ब्वाइजले हिमालयन शेर्पा क्लबलाई ४-१ ले हराएको हो। दोस्रो खेलमा एपिएफले एफसी खुमलटारलाई ३-० ले पराजित गरेको हो ।
January 16, 2025
काठमाडौं (हाम्रो खेलकुद)- कर्णालीमा चैतमा हुने भनिएको दसौं राष्ट्रिय खेलकुदको लोगो र मस्कट पारित भएको छ। राष्ट्रिय खेलकुद परिषद् (राखेप) का अध्यक्ष युवा तथा खेलकुद मन्त्री तेजुलाल चौधरीको अध्यक्षतामा बिहीवार बसेको १ सय १९ औं बोर्डले दसौं राष्ट्रिय खेलकुदको लोगो र मस्कट पारित गरेको राखेपले जनाएको छ। सिहंदरबारस्थित खेलकुद मन्त्रालयमा बसेको बैठकले लोगो र मस्कट […]
January 14, 2025
काठमाडौं (हाम्रो खेलकुद)- बिबिसी भेट्रानले दोश्रो ललितपुर मेयर कप भेट्रान फुटबल प्रतियोगिताको उपाधि जितेको छ । जावलाखेल मैदानमा मंगलवार भएको फाइनलमा आयोजक कुसुन्ती ‘बी’ लाई २-० ले हराउँदै बिबिसीले उपाधि जितेको हो। दुवै गोल पहिलो हाफको सुरुआती समयमा भएको थियो । बिबिसीका लागि दीपक लामाले पहिलो तथा आकाश छन्त्यालले दोश्रो गोल गरे । उपाधिसंगै बिबिसीले […]
