7 years ago
September 5, 2017
काठमाडौं (हाम्रो खेलकुद) – एएफसी एसियन कपको छनोट अन्तर्गत नेपालले घरेलु मैदानमा आज ताजिकिस्तानको सामना गर्दै छ । पछिल्लो खेल प्रतिबन्धमा रहेका मिडफिल्डर विक्रम लामाले आज पहिलो रोजाइमा पर्ने सम्भावना छ ।
चैतमा फिलिपिन्ससँग ४–१ को हारमा रातो कार्ड पाएका विक्रम यमनसँगको खेलमा प्रतिबन्धमा थिए । हिजो पत्रकार सम्मेलनमा पनि प्रशिक्षक ग्यातोकु कोजीको विक्रमले पहिलो रोजाइमा पुनरागमन गर्ने संकेत गरिसकेका छन् । त्यस्तै मेनिस्कसको शल्यक्रिया गरेपछि केहि समय मैदान बाहिर रहेका आदित्य चौधरी टोली फर्केका छन् । यद्दपी उनी पहिलो रोजाइमा पर्ने सम्भावना भने कम छ ।
जेठमा यमनसँगको खेलमा ७३ औं मिनेटमा चोट लागेपछि आदित्यले त्यसयता यू २३ च्याम्पियनसिप र नेपाली टोलीसँगको जापान भ्रमण गुमाएका थिए । प्रशिक्षक कोजीले रक्षापक्क्तिमा अनन्त तामाङको साथमा देवेन्द्र तामाङलाई खेलाउने सम्भावना छ । मिडफिल्डमा यमनसँग सुरुआत गरेका विशाल राईको ठाँउमा विक्रम खेल्न सक्छन् ।
फरवार्ड लाइनमा अघिल्लो खेलमा भारत खवास र नवयुग श्रेष्ठलाई खेलेपनि यसपटक भरतको ठाँउ विमल घर्तीमगरले लिने सम्भावना छ । जापान भ्रमणका दौरान नेपालले कान्साइ गाकुइन विश्वविद्यालयको टोलीलाई २–१ ले हराउँदा विमलले टोलीका लागि पहिलो गोल गरेका थिए ।
पहिलो पटक राष्ट्रिय टोलीमा समेटिएका स्ट्राइकर जर्ज प्रिन्स कार्कीले आज ‘डेब्यू’ गर्ने सम्भावना पनि छ । प्रशिक्षक कोजीले उनको ‘डेब्यू’ सम्भावना रहेको बताएका थिए । तर, खेलको अवस्था अनुसार जर्जले मौका पाउने नपाउने हुन सक्दछ ।
सम्भावित सुरुवाती ११
गोलकिपर –किरण चेम्जोङ
रक्षक – कमल श्रेष्ठ,अनन्त तामाङ,देवेन्द्र तामाङ, विराज महर्जन (कप्तान)
मिडफिल्ड – अन्जन बिष्ट, रोहित चन्द, विक्रम लामा, सुजल श्रेष्ठ
फरवार्ड – नवयुग श्रेष्ठ, विमल घर्ति मगर
November 15, 2024
एजेन्सी – इटाली र फ्रान्स नेसन्स लिगको क्वार्टरफाइनलमा पुगेका छन् । इटाली र फ्रान्स शुक्रवार भएको अलग अलग खेलको नतिजापछि एक खेलअघि नै समूह लिग ए समूह २ बाट अन्तिम आठमा पुगेका छन्। इटालीले बेल्जियमलाई १-० ले पराजित गरेको छ। ११ औं मिनेटमा सान्द्रो टोनालीले गरेको गोल नै इटालीका लागि निर्णायक बन्यो । टोनालीको त्यो […]
November 12, 2024
हिमाल खरेल, बिर्तामोड झापाको बिर्तामोडमा नेपाल प्रिमियर लिग (एनपिएल) का लागि विराटनगर किंग्सको ट्यालेन्ट हन्ट कार्यक्रम सम्पन्न भएको छ । विराटनगरले कोशी प्रदेशका ५ जिल्लामा गर्न लागेको ट्यालेन्ट हन्ट बिर्तामोडको युनाइटेड क्रिकेट एकाडेमीमा सम्पन्न भएको हो । कार्यक्रममा १ सयभन्दा बढी खेलाडी सहभागी थिए । झापाका विभिन्न पालिकाका युवा क्रिकेटरहरु ट्यालेन्ट हन्टमा सहभागी भएका थिए […]
October 24, 2024
काठमाडौं (हाम्रो खेलकुद)- नेपाली युवा फुटबल टोली एएफसी यु १७ एसिया कप छनोटको आफ्नो पहिलो खेलमा फराकिलो अन्तरमा पराजित भएको छ। कतारको दोहामा बुधवार भएको खेलमा नेपाललाई जापानले ९-२ ले हराएको छ। नेपालका लागि सविनकुमार मगर र विज्ञान खड्काले गोल गरे । जापानका लागि दाइची तानीले ४ गोल, हिरोतो असादाले ३ तथा मिबुकी कासाई र […]